Saturday 22nd July 2017
faceebok twitter
4560 Views

Safiirka Cusub ee Soomaaliya u fadhiya dalka Sweden oo la kulmay baarlamaanka dalkaas

Safiirka Soomaaliya u fadhiya dalka Sweden danjire Cawaale Cali Kulane ayaa kulamo muhiim ah la qaatay xubno ka tirsan baarlamaanka Dalka Sweden iyo madaxda magaalada Stockholm kaddib markii uu casuumaad ka helay.

Danjire Cawaale Cali kulane ayaa waxaa ku so dhaweeyey xarunta Baarlamaanka dalka Sweden xubno ka tirsan Baarlaamaanka Sweden oo uu horkacaayo Anders Österberg oo ka tirsan guddiga arrimaha dibada, waxaana xildhibaanada kulankan ka qeybgalay ay muujiyeen sida ay ugu faraxsan yihiin in 27sano kaddib in uu Sweden yimaado Safiir Soomaaliyeed oo sii xoojin doono xiriirka labada.

Danjire Cawaale oo ay wehliyeen xubno Soomaali ah oo ka tirsan golaha deegaanak magaalada Stockholm ayaa lagu soo wareejiyey qeybaha kala duwan ee baarlamaanka dalka Sweden, iyada oo intaasi kaddibna loo dhaaqaaqay aqalka looga arrimiyo magaalada Stockholm waxaana danjire Cawaale Cali kulane ku soo dhaweeyey guddoomiyaha golaha deegaanka magaalada Stockholm Eva-Louise iyada oo muujisay in magaalada Stockholm ay mar kale farxad u tahay in ay soo dhaweyso safiir Soomaaliyeed mudo dheerna ay sugayeen.

Safiirka Soomaaliya ee wadanka Sweden mudane Cawaale Cali Kulane ayaa ka mahadceliyey sida diiran ee loogu soo dhaweeyey xarunta baarlamaanka dalka Sweden iyo aqalka magaalada Stockholm, waxa uuna sheegay in kulamadani ay bilow u yihiin amba qaadka xoojinta xiriirka labada dal.

dhanka kale danjire Cawaale Cali kulane oo ka mid ahaa wafdigii Soomaaliya ee goob jooga ka ahaa dacwadii Badda ee Soomaaliya iyo Kenya ayaa sheegay in go’aanka maxkamada uu ahaa guul u soo hoyatay ummada Soomaaliyeed, isaga oo rajo wanaagsan ka muujiyey dacwadaasi dhamaadkeeda in ay noqoto mid loo wada riyaaqo insha allah.

Did you like this? Share it:

Leave a comment

Your email address will not be published.


*