Saturday 22nd July 2017
faceebok twitter
5813 Views

Akadeemiyada Jen. Kaahiye oo lagu qabtay kulankii Khamiislaha ee ciidanka booliiska+Sawirro

Waxaa Khamiistii shalay Akadeemiyada Jeneraal Kaahiye ee ciidanka booliiska Soomaaliyeed lagu qabtay kulankii todobaadlaha ahaa.

Cutubyo ka tirsan ciidanka booliiska ayaa halkaasi ku soo bandhigay gaadda ka cayaar waxaana ciidankaasi ka mid ahaa Saraakiishii sanadkaan u dallacay Darajada Xiddigle, iyadoo salaanta uu ka qaatay Taliyaha Ciidanka Asluubta S/Guud. Bashiir Maxamed Jaamac oo marti ku ahaa Kulliyadda.

Taliyaha ciidanka Asluubta ayaa ciidanka Boliiska ku bogaadiyay horumarka iyo dadaallada uu hormuudka u yahay Taliyaha Ciidanka Boliiska S/Gaas. Maxamed Sheekh Xasan Xaamud, wuxuuna Taliyaha Ciidanka Asluubta ugu deeqay kuliyadda Qoryaha lagu tababarto.

Dhanka kale Taliyaha Ciidanka Boliiska ayaa ka qayb galay  kulan ballaaran oo ay soo qabanqaabisay G/Sare. Faadumo Xasan Maxamed (Faadumo Neero) oo ay isugu yimaadeen dhammaan  Gabdhaha Ciidanka Boliiska , kuwaasoo isu abaabulay inay ka qayb qaataan hawlaha gurmadka abaaraha, wuxuuna Taliyaha Ciidanka  ku
guubaabiyey inay horseed ka noqdaan hawlahaas oo ay kaalin muuqata ka qaataan u gargaaridda dadka ku soo dhibaatoobay abaaraha.

Taliyaha ciidanka booliiska ayaa wuxuu kaloo ugu baaqay inay ku dadaalaan hawlaha la shaqeynta iyo is dhex galka bulshada.

Ciidanka booliiska waxaa ka mid ah tirada ugu badan ee haweenka ka shaqeeya laamaha dawladda.

Did you like this? Share it:

Leave a comment

Your email address will not be published.


*