Baarlamaanka oo cod u qaadaya mooshin loo soo gudbiyay

0
3020

Kulanka baarlamaanka federaalka ah ee Soomaaliya maanta ku yeeshay xaruntiisa magaalada Muqdisho oo uu shir gudoominayay Prof Maxamed Sheikh Cusmaan Jawaari gudoomiyaha golaha shacabka ayaa waxaa lagu waday in uu horyimaado wasiirka arimaha gudaha iyo federaalka Cabdi raxmaan Maxamed Xuseen in kastoo uu ka baaqsaday isla markaana uu gudoonka ka codsaday in dib loogu dhigo waqtiga uu hortagayo baarlamaanka sida uu sheegay gudoomiyaha baarlamaanka mudane Jawaari.

“Ajandadaa iyada ah wasiirku shalayto markii aan gaarnay go.aanka warqadbaanu u qornay aan leenahay waa in aad soo xaadirtaa oo warbixin siisaa golaha hase yeesheee waxaa uu noogu soo jawaabay in uusan hadda diyaar ahayn oo la siiyo waqti dheeeraad ah sida uu xeer hoosadku qabana uu markaa xaq u leeyahay xeer hoosaadka qodobkiisa 78 waxaa uu xaq u siinayaa 72 saacadood ka hor in loo sheego “ayuu yiri Jawaari.

Xildhibaanada soo qoray mooshinka golaha horyaala eee laga keeenay maamulka KMG ah ee Jubbaland ayaa waxaa ay soo jeediyeen in cod loo qaado mooshinka markii mudanayaasha loo bandhigay qodobkaas waxaa badatay tirada qabtay in mooshinka cod loo qaado hase ahaateee waa suura gali weysay maadaama kooramka loo baahanyahay uu soo dhameestirmi waayay waxaana dib loogu dhigay maalinta sabtida ah in codka loo qaado mooshinka.

“Waxaa goob joog ah in kastoo uu kooramku ku furmay 151 hadana waxaa goobjoog ah 105 mudane marka meesha kooramku ma dhama waxaanu ka dhigeynaa marka sabtida hadii alle yiraahdo”ayuu yiri gudoomiyuhu.

 

Did you like this? Share it:

LEAVE A REPLY

Please enter your comment!
Please enter your name here