Sunday 20th August 2017
faceebok twitter
7731 Views

Ciidanka booliska ee degmada Qoryooleey oo gacanta ku dhigay horjoogayaal ka tirsan Al-Shabaab

Taliyaha Saldhiga booliska Degmada Qoryooleey Labo Xidigle Cali Maxamed Aadan ayaa faah faahin ka bixiyay howlgalka ay ka sameeyeen degmada Qoryooleey iyo Tuulooyinka Hoosyimaada oo ay gacanta ku dhigeen horjoogayaal ka tirsan Al-Shabaab.

Taliyaha ayaa sheegay inay gacanta ku dhigeen afar ka tirsan kooxda Al-Shabaab, kuwaasi oo u sheegay in labo ka mid ah ay ahayeen horjoogayaal oo ay ka soo qabteen meel 6 km u jirta degmada Qoryooleey.

Taliyaha ayaa uga mahadceliyay shacabka degmada oo uu ku tilmaamay inay gacan ku siiyeen sidii loo soo qaban lahaa horjoogayaasha iyo maleeshiyaadka ka tirsan Al-Shabaab, waxaana uu intaa ku daray in sidoo kale howlgalka lagu soo qabtay hub iyo saanad u duugnaa maleeshiyaadka.

Ciidanka booliska ee degmada Qoryooleey ayaa maalmihii dhawaa sameeyay howlgallo ka dhan ah Al-Shabaab, waxaana taliyaha ciidanka uu balan qaaday inay joogtey doonaan howlgallada lagu baacsanayo maleeshiyada Al-Shabaab.

 

Did you like this? Share it:

Leave a comment

Your email address will not be published.


*