Friday 20th October 2017
faceebok twitter
790 Views

Denjire Micheal Keating oo la kulmay jaaliyadda Soomaaliyeed ee Dalka Finland

Wakiilka Xoghayaha Guud ee Qaramada Midoobe Arimaha Soomaaliya Denjire Micheal Keating oo howlo maalmahan u joogay gudiga wadankaan finland ayaa waxa uu kulan la qaatay qaar kamid ah jaaliyada Soomaalida ee degan Finland.

Kulankaan waxaa kasoo qeyb galay aqoonyahano Soomaaliyeed waxaana halkaas ay warbixin ku saabsan Dhinacyada Arrimaha  Amniga, Siyaasadda, Xaaladaha Bani’aadanimo iyo Dhaqaalaha ee Xilligaan ka jira Soomaaliya, ka dhageysteen wakiilka guud ee qaramada midoobay arimaha soomaaliya mr keating.

Gudoomiyaha Ururka Midnimada Soomaaliyeed Ee Somalilito Carshe Said oo kamid ahaa masuuliyiinta halkaasi goobjooga ka ahaa ayaa waxaan wax ka weydiiyay Kulanka  wakiilka qaramada midoobay arimaha Somalia Keating uu la yeeshay qaar kamid ah dadka Soomaalida ee degan Finland maadaama ay kulankaas ayaga soo qaban qaabiyeen.

Sidoo kale Wakiilka Xoghayaha Guud ee Qaramada Midoobe Arimaha Soomaaliya Denjire Micheal Keating oo ka faaloonaya xaalada dalka Soomaaliya ayaa waxa uu sheegay in dowladaan cusub ee dhawaan la doortay ay ku talaabsatay  hormaro badan oo dhinacyo badan taabanayo isla markaana ay la dagaalameyaan amnni darada iyo musuqmaasuqa.

Inta uu kulanka Socday wxaa halkaasi suaalo lagu weydiiyay wakiilka qaramada midoobay ee arimaha soomaaliya waxa uuna inta badan jawaab celintiisu  ay ahaayd in Dadka Soomaalida ay noqdaan dad iyaga wadankooda dhista iskana dhaafa danaha qabiilka iyo qabyaalada.

 

Did you like this? Share it:

Leave a comment

Your email address will not be published.


*