Dhallinyaro ka shirtay horumarinta Gobollada Mudug iyo Galgaduud

0
838

Dhallinyarada Gobolada Mudug iyo Galgaduud ayaa kulan ku yaashay magaalada Dhusamareb kaasi oo ay kaga hadleen doorka dhallinyaradu ka qaadan karto Horumarka Deegaanada Galmudug.

Madashaan oo ahayd mid balaaran ayaa lagu qabtay magaalada Dhusamareb ee Caasimada dowlad goboleedka Galmudug waxaana ka soo qayb galay dhallinarada Degmooyinka iyo Deegaanada Galmudug io qaar ka soo laabtay qurbaha iyo marti sharaf kale.

Kulanka ayaa waxaa looga hadlayey sidii dhallinyaradu kaalin mug leh uga qaadan lahayd Horumarka Deegaanada Galmudug, waxaana shirka goob joog ka ahaa Madaxa Golaha Wasiirada Galmudug Sheekh Maxamed Shaakir Cali Xasan.

Sheekh Maxamed Shaakir Cali Xasan Madaxa Golaha Wasiirada Galmudug oo shirak soo xiray ayaa sheegay inuu ku faraxsanyahay sida ay dhallinyarada isugu xiranyihiin inay ka qeyb qaataan horumarka, waxaana uu ku booriyey inay dadaalaan, iyagoo ka Madax banaan qabyaalad iyo hayb sooc, si horumar loo gaaro.

Kulankan ayaa noqonaya kii ugu horeeyey ee dhallinyaradu isugu yimaadaan kana dhaca magaalada Dhusamareb ee Xarunta Galmudug, kaa soo looga hadlay ka qab qaadashada Horumarka deegaannada Maamulkaasi.

 

Did you like this? Share it:

LEAVE A REPLY

Please enter your comment!
Please enter your name here