Doorka xoreynta dalka ee Radio Muqdisho Qalinkii: Sharmaake Mohamed Warsame.

0
1298

Sida uu sheegay aqoon yahan Liiban Cabdi Cali agaasimaha Talefishinka Qaranka Soomaaliyeed weli Radio Muqdisho waa ma huraan iyo miro aan dhammaan oo ku milan maskaxad Ummadda Soomaaliyeed.

Radio muqdisho waxaa uu kamid noqday tiirarkii adkeyay nabadgalyada iyo in caasimada laga xoreyo bahaladii dhiigya cabka ahaa ee Al-shabab oo weli u hamuun qaba daadinta dhiigeena halka Radio Muqdishona u tagan yahay tusmada iyo far ku fiiqa Dhagarta iyo waxyeelada Al-shabaab iyo sida looga hortagi karo.

Gacmihii kala duwana marna ma aysan fara galin afkaartii iyo maba’diidi Radio Muqdisho haba ugu darnadaan maamulkii magacyada badan ay ka hoos baxeen ee maxkamadihii islaamiga oo gacantooda mar uu galay Radio muqdisho.

2009 mar kale waxaa waagu u baryay Radio Muqdisho oo cagta saartay jidkii soo kabashada iyo halgankii dib u xoreynta caasimada ummadda oo ahayd bahalo galeen oo cadawgu meel walba taagnaa.

Radio Muqdisho oo hab suugaaneed iyo masraxiyadeed ummadda ugu sheegay dhibaatada Alshabab ayaa waxaa ay baahiyeen riwaayadii igu sameynta badneyd oo Enternetka kala socon jiray laguna magacaabi jiray BAADI KALA MAQAN.

Radio Muqdisho hadii uu 1980 uu ku jiray wakhti wacan oo ay ka howl gali jireen Maxamed Aadan Tera,Axmed Xasan Cowke , Dandurey Nuur Shire Cismaan iyo suxufiyiin miisan leh kuna soo shaqeyay jawi nabdeed.

2009 waxaa mar kale u kacay in uusan damin Radio Muqdisho suxufiyiin naftooda,wakhtigooda iyo maalkoodiba galiyay oo aan ka xusi doono

Cabdiraxman sheikh yusuuf cumar{ Al cadala} oo hadda ah agaasimaha guud ee Wasaradda Warfaafinta dhaqanka iyo dalxiiska,Liibaan Cabdi Cali oo hadda ah agaasiamaha telefishinka qaranka soomaaliyeed,Cabdifitaax Daahir Jeyte oo hadda ah agaasimaha Radio Muqdisho,Cabdicasiis Maxamud Guuleed (Afrika) iyo Feysal Muuse Maxamed oo hadda ah tafaftiraha telefishinka qaranka .

Suxufiyiinta soomaaliyeed ee ka dhiidhiyay in xaladii adkeyd ee dalka gaar ahaan Warbaahinta Qaranka inta kuma koobna oo weli ka mid ah tiirarka warbaahinta qaranka.

Aniga waxaan ku biiray 2015 bishii aktoobar  7-dii  aniga iyo lix suxufi oo imtixaan u galay kamid noqoshada shaqalaha wasaradda warfaafinta gaar ahaan waaxda Warbaahinta Qaranka oo ka koobna Wakaalada Wararka ee SONNA ,Wakaalada filimada,Telefishinka Qaranka iyo Radio Muqdisho oo dhammaan hooyo u ahayd.

Kaalin weyn bay warbaahinta qaranka ka qaadatay wacgi galinta bulshada iyo xoreynta dalka xoojinta nabadgalayada iyo soo bandhigista muuqaalada qurxoon iyo ku dhiiro gelinta dhalinyaradda la haanshaha dalka.

Radio Muqdisho waa jamacad loo dalaco oo marka suxufi walba aqoon iyo tayo uu isbido wuxuu raadiyaa sidii uu ugu biiri laha warbaahinta qaranka,waana qiimo gaar ah in aad raadiyaha qaranka kala hadasho ummadda.

 

Qalinkii: Sharmaake Mohamed Warsame.

Did you like this? Share it:

LEAVE A REPLY

Please enter your comment!
Please enter your name here