Thursday 30th March 2017
faceebok twitter
16669 Views

Erdogan oo sheegay in uu ka qeyb qaadanayo gurmadka abaarta ka jirta Soomaaliya

Madaxweynaha Turkiga, Recep Tayib Erdogan ayaa bartiisa Twitter-ku sheegay in dalkiisu uu gacan ka geysanayo gurmadka abaarta ku dhufatay Soomaaliya.

“Anaga indhaha kama laaban karno codsiyada ka imaanaya dalalkan oo ka jira gaajo ka dhalatay abaaraha, heer aad u khatar ahna gaartay,”sidaas ayuu Erdogan qoray. “ Turkida waxa ay bilowday olole gar-gaar lagu gaarsiinayo dadka ku nool beriga Africa iyo Yeman kuwaa oo u baahan kaalmadeena deg-degga”.

Hay’adda socdaalka adduunka ‘IOM’ ayaa salaasadii la soo dhaafay ku baaqday in la qaado talaabo deg-deg ah oo lagu caawinayo 20 milyan oo ruux oo baahi ku wajahaysa dalalka K/Suudan, Soomaaliya, Yeman iyo W/Nigeria iyo Kenya.

Soomaaliya ayaa  xasuusato doorkii Turkida ay ka qaateen gurmadkii abaaraha ka jiray Soomaaliya sannadkii 2011 kolkaas Soomaaliya ka jirtay xaalado beni’aadinimo oo aad u daran, Soomaliya ayaa sidoo kale Turkida la ah saaxiib dhaw oo arrimo badan wadaagaya.

 

Leave a comment

Your email address will not be published.


*