Gaalkacyo “Xaaladda amni ee Gaalkacyo waa mid la isku haleyn karo”

0
3173

Guddoomiyaha Gobalka Mudug ee Dowlad Gobaleedka Galmudug Mudane Cabdirashiid Xaashi Cartan oo wareysi gaar ah maanta siiyay Warbaahinta Qaranka Soomaaliyeed ayaa faah faahin dheer ka bixiyay xaaladda amaan ee guud ahaan Gobalka Mudug, gaar ahaan magaalada Galkacyo ee xarunta Gobalka, waxaana uu sheegay in xaaladda Nabadgelyo ee magaalada Gaalkacyo ay tahay mid aad u wanaagsan isla markaana Ciidamada Amaanka iyo shacabk ay si wadajir ah isaga kaashadaan sidii loo adkeyn lahaa amniga magaalada.

Guddoomiye Cartan dhanka kale waxa uu wax laga xumaado ku tilmaamay in laga been sheego xaaladda magaalada Gaalkacyo, isla markaana ay wax kama jiraan yihiin warar lagu baahiyay 48dii saac ee u danbeysay baraha bulshada, kuwaasi oo lagu sheegay in xiisado coladeed ay ka jiraan magaalada Gaalkacyo.

Guddoomiyaha Gobolka Mudug ayaa xusay inay jiraan shaqsiyaad doonaya inay warar been abuur ah ka faafiyaan magaalada, kuwaasi oo uu sheegay inay gacan bir ah ku qaban doonaan.

Ugu danbeyn Guddoomiyaha Gobalka Mudug ee Galmudug ayaa ugu baaqay guud ahaan shacabka Gobalka Mudug in ay gacan ka siiyaan labada maamul ee Puntland iyo Galmudug sidii looga hortagi lahaa cid walba oo ay u arkaan inay caqabad ku tahay nabadda Gobalka.

Si kasta xaaladda magaalada Gaalkacyo ee xarunta Gobalka Mudug ayaa ah mid ay soo hagaageyso xaaladeeda amaan tan iyo wixii ka danbeeyay markii lagu guuleeystay dabayaaqadii sanadkii tegay ee 2016 in lasoo afjaro colaadahii u dhaxeeyay maamulada Galmdug iyo Puntland.

 

 

Did you like this? Share it:

LEAVE A REPLY

Please enter your comment!
Please enter your name here