Tuesday 28th March 2017
faceebok twitter
3257 Views

Ganacsato Soomaali ah oo lagu dilay dalka South Africa

Kooxo burcad South Africaan ah ayaa habeenkii xalay ahaa waxa ay weerar ku qaadeen goobo ganacsi oo ay lahaayeen muwaadiniin Soomaali ah oo ku yaala xaafada lagu magacaabo khaliija oo qiyaastii 30 km u jirta  magaalada Cape Town ee dalka Koofur Africa.
Weerarka oo si kala duwan uga dhacay xaafadaas ayaa waxaa ay kooxda burcadda ah ku dileen ilaa  saddex ruux oo Soomaali ah, kuwaa oo ay ugu tageen goobahooda ganacsiga oo xaafadaasi ku yiilay.
Labo ka mid dhallinyaradaasi oo lagu kala magacaabo Mahad Salaad Axmed iyo Muxudiin Geedi Cali waxaa lagu dilay hal dukaan, waxaa sido kale halkaasi lagu dhaawacay Axmed Muxumed Nuur kaa oo iminka lagu dabiibayo mid ka mid ah isbitaalada magaalada Cape Town.
Burcadda ayaa sido kale weerar ay ku qaadeen isla goobo kale oo ganacsi oo halkaasi ka ag dhawaa waxaa ay ku dileen wiil kale oo Soomaali ah kaa oo  lagu magacaabi jiray  Maxamed Cabdi Cali .
Qaar ka mid ah ganacsatada Soomaalida ee deegaankaasi ganacsiyada ku leh ayaa walaac xoogan ka muujiyay dilalkan is daba jooga ah ee lagu hayo dhallinyarada Soomaalida ee deegaankaasi ka shaqeysta, manajirto dhac ay kooxaha burcada ah u geysanayaan goobaha ganacsiga taasi oo ka dhigan in kaliya ay doonayaan in ay dilaan dhallinyarada ka shaqeeya goobahaasi ganacsiga.
Ciidaamada booliska ee deegaankaasi majiraan ilaa iminka cid ay usoo qabteen falalkii ugu dambeeyay ee halkaasi ka dhacay.
Alle ha u naxariiste Muxudiin Geedi Cali oo ka mid ah dhallinyarada xalay la dilay waxaa uu ilmo adeer la ahaa Aadan Mahdi Cali iyo Yuusuf Xasan Cali oo 12-kii iyo 24-kii  Janaayo ee bishii ina dhaaftay kooxaha burcada ah ku dileen xaafadaasi khaliija.

C/laahi Qorshe
Johannesburg South Africa

Leave a comment

Your email address will not be published.


*