Guddoomiye Cabdi Xaashi oo Muqdisho ku soo bandhigay Buug uu ugu magacdaray Heybso Dhaqankaaga

1363

Marti sharaftii kasoo qeybgashay Munaasabadda oo isugu jiray Wasiirro, Xildhibaano, Siyaasiyiin, Aqoonyahanno, Qorayaal iyo Ardaydada Jaamacadaha wax ka barta waxay ku tilmaameen Daahfurka Buugga Hayso Dhaqankaaga Waqlalkii Ilmo-yar oo dhashay.

Buuggan oo xambaaarsan Cutubyo ay ka mid yihiin Afka iyo Dhaqanka dalkeena ayaa Guddoomiyaha Akadeemiyada Cilmiga, Fanka iyo Suugaanta wuxuu ku ammaanay qoraha Buugga Md. Cabdi Xaashi Cabdullaahi garashadiisa uu ku doortay in Bandhig loogu sameeyo Buuggan Xarunta Akadeemiyada Cilmiga Fanka iyo Sugaanta COD MAAX

Aqoonyahanada kala ah Maxamed Cabdi Gaandi iyo Maxamed Daahir Afrax ayaa ka hadlay Nuxurka Buugga uu xambaarsan yahay waxeyna ugu baaqeen qeybaha buslahda in ay akhristaan Buugga si ay uga faa’ideystaan waxyaabaha uu xumbaarsanyahay oo dhinaca dhaqanka ah

Prof. Cali Maxamed Geeddi oo ku dhawaaqay Daahfurka Buugga ayaa isaguna shacabka ugu baaqay in laga faa’ideysto macluumaadka uu xambaarsan yahay buugga Haybso Dhaqankaaga .

Xildhibaanada kala ah Maxamed Cumar Dalxa iyo Cabdullaahi Sheekh Ismaaciil ayaa sheegay inuu buuggan kaalin ka geysanayo horumarinta Afka iyo Dhaqanka Soomaaliyeed,loogana baahanyahay bulshadu in ay ka faa’idaystaan.

Guddoomiyaha Aqalka Sare ee Barlamaanka Soomaaliya Md. Cabdi Xaashi Cabdullaahi oo ah qoraha Buugga Haybso Dhaqankaaga ayaa gabagabadii ka hadlay sababaha uu ku doortay qoraalka buuggani,isagoona muujiyay in uu ahmiyad gaar ah uu u leeyhaya horumarinta Dhaqanka iyo Afka hooyo ee Soomaaliga ah.

Buugga Haybso Dhaqankaaga ayaa ah buggii ugu horreeyey uu ifka usoo saaro Guddoomiyaha Aqalka sare Md. Cabdi Xaashi Cabdullaahi, wuxuuna soo bandhigidda Buuggani kusoo beegmayaa xilli dadaal weyn loogu jiro horumarinta Afka Soomaaliga iyo Akhriska iyo Qoraalka, iyadoo Dad isugu jira qorayaal iyo siyaasiyiin kale ay gunaanadkii munaasabadda ku wareejiyeen Akadeemiyada Cilnmiga, Fanka iyo Suugaanta, Buugaag kala duwan si kor loogu soo qado Waxqabadka Akadeemiyada.

Did you like this? Share it:

LEAVE A REPLY

Please enter your comment!
Please enter your name here