Tuesday 28th March 2017
faceebok twitter
1921 Views

Hey’adda Golaha Qurbajoogta Soomaaliyeed oo ka soo horjeesatay go’aankii Madaxweyne Trump

Global-Somlai-Logo

Hey’adda Golaha Qurbajoogta Soomaaliyeed ee magaciisa marka la soo gaabiyo loo yaqaano (GSD) ayaa war-saxafadeedka ay soo saareen ku dhaleceeyay go’aankii dowladda Mareykanka ee uu hogaamiyo Donald Trump ay ku xanibtay u safridda Mareykanka ilaa iyo toddobo dal oo ay Soomaaliya ku jirto.  War-saxafadeedka ayaa lagu sheegay inay tahay nasiib-darro iyo midab kala sooc ku dhisan heyb diimeed midaas oo ka soo horjeeda shuruucda caalamiga ah ee qaxootiga iyo inaan dadka loo kala saari karin heyb diimeed iyo mid midab intuba. Waxaa intaas lagu daray in wadanka Mareykanka ay u haajireen malaayiin qaxooti ah oo uu ka mid ahaa awoowaha Madaxweynaha hadda taladda haya, Donald Trump.

Waxaa lagu yiri war-saxafadeedka “Waxaa muhiim ah in Madaxweyne Trump uu xasuusto midani, oo uu baabi’iyo go’aankan gurucan ee takooraya diin dhan iyo dadka aaminsan oo isugu jira kuwa kaalin mug leh uga jira horumarinta Mareykanka.

Soomaalidda Mareykanka ahi iyo kuwa qaxootinimadda ku jooga Mareykanka waxay door muhiim ah ka qaataan kobcunta dhaqaalaha Mareykanka laga soo bilaabo xiligii ay ka soo qaxeen dalkooda hooyo, iyadoo wali kuma maanta magangelyadda weydiisanaya ay u baahan yihiin in la magan-geliyo balse aan la takoorin, madaama ay yihiin dhibanayaal falal argagixiso iyo mid dagaal intaba.

Waxaynu ku boorineynaa dowladda Mareykanka ineysan faquuqin dadka sida dhabta ah uu ugu baahan yahay inuu iskaashi kala sameeyo sidii si wadajir ah nabad loogu soo dabaali lahaa caalamka. In la laga mamnuuco safarka Soomaalidda u safreysa Mareykanka iyadoo loo marayo hab aan is waafaqsaneyn oo sharci darro ah maahan mid amni iyo wax-tar ku soo kordhinaysa Mareykanka.

Mareykanku waa wadan ka abuurmay dad socoto ah iyo kuwo qaxooti ah kuwaas oo si wadajir ah u degay kana dhigtay Meesha ay ugu yeeraan gurigooda.  Tariikhda Mareykanka si badan ayay uga buuxdaa cadaalad daradii hore loo soo maray ee ku saleysnaa midab iyo diin, taas oo sinaba aanu caqliga saalimka ah u ogolaan karin in dib loogu noqdo tariikhdaas madow ee la soo dhaafay.

Haddaba, waxan dooneynaa in wadanka Mareykanku ahaado mid ay ku wada hirtaan dhamaan muwadiniintiisa ku nool balse uusan noqonin mid kala faquuqa. Soomaali Mareykanka ku nool wadanka Mareykanka waa Dhaqatiir, macalimiin, Darawalo gadiidka dadweynaha, Engineero iyo xirfadyahano kala duwan kuwaas oo dhamaan kaalin kaga jira wadanka Mareykanka.

Ugu dambeyn waxan ugu baaqeynaa Madaxweyne Trump inuu dib uga laabto gabi ahaanba siyaasadan mamnuucidda socdaalka eek u dhisan takoorka. Waxan sidoo kale ku dhiirigalinaynaa Maamulka Mareykanka inuu dhex-galo Bulshadda Soomaali Ameerikaanka ah isla markaasna wax badan uga ogaado dareenkooda. 

 

Leave a comment

Your email address will not be published.


*