Sunday 26th March 2017
faceebok twitter
5853 Views

Hey’adda Socdaalka oo xarumo ka furi doonta magaalooyinka Xudur iyo Ceel-Barde-Sawirro

Wefdi uu hogaaminayay taliyaha laanta Socdaalka iyo Jinsiyadaha ee dowladda Soomaaliya  gaashaanle sare Maxamed Aadan Jimcaale ( Koofi) oo gaaray magaalada Baydhabo ayaa la kulmay madaxweynaha maamulka Koofur Galbeed Shariif Xasan Sh. Aadan iyo mas’uuliyiin kale.

Kulanka ay wada yeesheen madaxweynaha Koofur Galbeed iyo taliyaha laanta Socdaalka iyo Jinsiyadaha ayaa waxaa looga hadlayay sidii loo horumarin lahaa arimaha hey’adda socdaalka ee Soomaaliya.

G/sare Maxamed Aadan Jimcaale (Koofi) oo ah taliyaha hey’adaha socdaalka iyo jinsiyadaha  ayaa madaxweynaha ka codsaday in Hay’adda lagala shaqeeyo sidii ay wajibaadkeeda uga gudan laheyd deegaanada maamulka Koofur Galbeed gaar ahaan deegaanada dhanka xaduuda xiga.

Madaxweynaha Koofur Galbeed Shariif Xasan ayaa dhankiisa balan qaaday in wax kasta oo ku saabsan howlaha hay’adda ay kala shaqeyn doonaan, waxaana labada mas’uul si wada jira iskula garteen in sida ugu dhaqsiyaha badan xarumo looga furo degmada Ceel-Barde oo  ku taala xadka Soomaaliya iyo Ethiopia iyo magaalada Xudur ee xarunta gobolka Bakool si bulshada  ay u helaan adeega ay ugu baahan yihiin hey’adda  socdaalka.

  

 

Leave a comment

Your email address will not be published.


*