Sunday 24th September 2017
faceebok twitter
4411 Views

Isbitaal cusub oo laga hirgeliyay deegaanka Bandiiradleey “SAWIRRO”

Xilli  ay jiraan baahiyo dhanka adeegyada caafimaadka oo ka jira deegaannada Gobalka Mudug kuwaasi oo  sababa mararka qaar in daawo la’aan ay naftooda halis ugasho dad farabadan oo ku nool deegaanada ay ku yar yihiin adeegyada caafimaadka ayaa waxaa maanta si rasmi ah xariga looga jaray xarun caafimaad oo laga hirgaliyay deegaanka Bandiiradleey oo ka mid ah meelaha ay ka jiraan dhibaatooyinka la xariira dhanka adeegyada bulshada oo ay ugu horeyso mida caafimaadka.

Xaruntaan caafimaad oo lagu wado in ay si bilaash ah ugu qabato adeegyada caafimaadka ee ay u baahan yihin bulshada deegaankaasi iyo deegaanada la xariira ayaa ugu horeyn waxaa ka hadlay munaasabada xariga looga jaray xarunta caafimaad qaar ka mid ah waxgaradka deegaanka kuwaasi oo sheegay in ay baahi weyn u qabeen.
Agaasimaha Isbitaalka weyn ee magaalada Gaalkacyo Maxamed Cabdi Axmed ayaa ku booriyay bulshada deegaanku in ay ka wada shaqeeyaan howsha shaqo ee isbitaalka.

Dr  C/risaaq Axmed Dalmar oo ku hadlayay magaca hay’adaha iska kaashaday furitaanka isbitaalkan cusub ayaa sharaxaad ka bixiyay qeybaha uu ka kooban yahay isbitaalku iyo waxyaabaha ka dhiman ee loo baahan yahay in la dhameystiro, isagoo xusay in haatan la diyaariyay ilaa afar qeybood oo kala ah qeybta bukaan eegtada, qeybta gar gaarka deg degga,  qeybta sheeybaarka iyo qeybta hooyada iyo dhallaanka, waxaana uu Dr Cabdirisaaq uu sidoo kala sheegay in ay dhiman yihiin qeybo ay ka mid tahay mida lagu daaweeyo cudurada faafa oo goordhaw ay hirgelin doonaan.

Duqa Degmada Gaalkacyo Xirsi Yuusuf Barre oo isna munaasabadda furitaanka isbitaalka ka hadlay ayaa sheegay in baahi weyn loo qabay isbitaalka, isagoo uga mahad celiyay hay’adihii iyo shaqsiyaadkii iska kaashaday hirgalinta isbitaalka.

Ugu danbeyn  Mahad Caabi Ciise oo ku hadlayay magaca Wasaaradda Caafimaadka ayaa xusay in ka Wasaarad ahaan ay kaalintooda ka qaadan doonaan howlaha shaqo ee isbitaalka iyo dhameystirka wixii dhiman.


C/risaaq Maxamed Axmed (C/risaaq Galkacyo

Did you like this? Share it:

Leave a comment

Your email address will not be published.


*