Sunday 26th March 2017
faceebok twitter
8062 Views

Isu soo bax Nabadeed oo ka socda Taalada Daljirka Dahsoon ee degmada Boondheere

dibax bax

Isu soo bax nabadeed oo lagu taageerayo Madaxweynaha cusub ee dalka ayaa ka soconeysa magaalada Muqdisho, kaasi oo ay soo qaban qaabiyeen maamulka Gobolka banaadir.

Dadweyne aad u fara badan oo ka kala yimid 17-ka degmo ee gobolka ayaa isugu soo baxay taalada Daljirka Dahsoon ee degmada Boondheere, kuwaasi oo sitay boorar ay ku qornaayeen halku dhigyo ay ku taageerayaan Madaxweynaha la doortay.

Wariyaha Warbaahinta Qaranka ee Gobolka Benaadir Nuur Saciid Tahliil oo iminka ku sugan halka ay ka dhaceyso isu soo baxa ayaa ku soo waramay in isu soo baxa uu yahay mid Nabadeed, isla markaana ay ku taageerayaan Madaxweynaha la doortay.

Madaxda maamulka Gobolka ayaa ka soo qeyb galay dibad baxa, iyadoo ay socdaan khudbadaha ay jeedinayaan mas’uuliyiintii, kuwaasi oo ka hadlaya sida ay u soo dhaweynayaan Madaxweynaha cusub ee la doortay.

Isu soo bax kan la mid ah ayaa ka soconeysa qaar ka mid ah gobollada dalka, kuwaasi oo qaarkood ay yihiin kuwa si iskood ah isu soo abaabulay, waxaana wixii ka dambeeyay 8-dii bishaan markii uu Madaxweyne Farmaajo ku guuleystay tartankii Madaxtinimo soo ifbaxayay taageerada ay shacabka Soomaaliyeed u muujinayaan Madaxweynaha cusub.

 

Leave a comment

Your email address will not be published.


*