Wednesday 20th September 2017
faceebok twitter
1222 Views

Maamulka Degmada Heliwaa oo qabtay barnaamij muhiim u ah bulshada “SAWIRRO”

Maamulka Degmada Heliwaa ayaa suurta geliyay in xarunta Degmada lagu qabto Barnaamijka Aragti wadaaga Hiigsiga Caasimadda  kaasi oo ay ka qeyb galeen qeybaha kala duwan ee bulshada ku nool Degmada.

Sidoo kale Barnaamijka waxaa ka soo qeyb galay Madaxda Maamulka Gobolka Benaadir oo uu ugu horeeyo Guddoomiyaha Gobolka Benaadir Ahna Duqa magaalada Muqdisho Mudane Thabit Cabdi Maxamed iyo Guddoomiye ku-xigeenka Arrimaha bulshada Gobolka Benaadir Mudane Cabdullaahi Cilmi Xaaji Erag, kuwaasi oo warbixinno ka dhageystay dhamaan dadkii ka soo qeyb galay.

Guddoomiya Degmada Heliwaa Cabdixakiin Cumar Cabdulle ayaa sheegay in ay tahay wax lagu farxo in Madaxda Maamulka Gobolka Benaadir ay dhagesytaan baahiyaha gaarka ah ee ay qabaan shacabka degmada,  isla markaana uu maamulkiisa gacan ka geysan doono sidii uu u dabooli lahaa intii karaankiisa ah.

Barnaamijka waxaa diirada lagu saaray baahiyada aasaasiga ah ee ka jira gudaha Degmada Heliwaa, waxaana maamulka Gobolka Benaadir uu balan qaaday in si deg deg ah looga soo jawaabi doono dhamaan baahiyada laga dhawaajiyay ee ka jira gudha degmada Heliwaa.

 

Did you like this? Share it:

Leave a comment

Your email address will not be published.


*