Wednesday 26th July 2017
faceebok twitter
6916 Views

Madaxa xafiiska Ganacsiga Safaaradda Soomaaliya ee Turkiga oo ka shaqeynaya horumarinta ganacsiga dalka

Xoghayaha Guud ee Ruugta Ganacsiga Turkiga Cumar Bal iyo Madaxa Xafiiska Ganacsiga u qaabilsan Safaaradda Soomaaliya ee Dalka Turkiga ayaa kulan ku saabsan horumarinta ganacsiga ku yeeshay Xarunta Dhexe ee rugta Ganacsiga ee Istanbul.

Kulanka ayaa labada Mas’uul waxa ay uga wada hadleen horumarinta xariirka Ganacsiga ee labada Dowladood Soomaliya iyo Turkiga iyo in la xoojiyo wada shaqeynta ka dhaxeysa labada Rug ee Ganacsiga Soomaaliya iyo Turkiga.

Kulanka waxaa kaloo looga  hadalay in labada Rug ay gacan ka geystaan sidii ganacatada Turkiga iyo Soomaaliya Ay si balaaran isugu gudbaan oo la is dhaafsado badeecadda.

Madaxa Xafiiska Ganacsiga u qaabilsan Safaaradda Soomaliya ee Dalka Turkiga Yuusuf Axmed Xasan ayaa uga warbixyay fursadaha ganacsi ee dalka ka jirta, isagoo xusay in Soomaliya ay ku wanaagsantahay waqtigaan in maalgashi dhankasta leh lagu sameysan karo, ayna ka qeyb qaaataan dib u dhiska Carwadii hore ee dowladda Soomaaliya.

Dhinaca Kale  xoghayaha Guud ee Ruugta ganacsiga Turkiga Mudane Cumar Bal ayaa waxa uu soo dhaweyay  hadalkii uu u jeediyay Madaxa Xfiiska Ganacsiga Soomaaliya, waxaana uu balan qaaday Xoghayaha Guud ee Ruugta Ganacsiga Turkiga inay si dhaw ula shaqayn doonaan Dowladda ay Walaalaha yihiin ee Soomaliya .

Gabagabadii kulanka ayaa waxa uu ku soo dhamaaday is afgarad labada dhinac ah.

Did you like this? Share it:

Leave a comment

Your email address will not be published.


*