Tuesday 17th October 2017
faceebok twitter
4023 Views

Madaxweynaha Puntland oo lagu soo dhaweeyay Magaalada Boosaaso “SAWIRRO”

Madaxweynaha Dawlad goboleedka Puntland Dr. Cabdiweli Maxamed Cali Gaas iyo wafdi ballaaran oo uu hogaaminayo ayaa maanta si diiran loogu soo dhoweeyey magaalada Boosaaso ee xarunta ganacsiga Puntland, kuwaasi oo magaalada Muqdisho uga qayb galay munaasabaddii caleema saarka Madaxweynaha Soomaaliya Maxamed Cabdullaahi Farmaajo.

Mudane Cabdiweli Gaas waxaa safarkiisa ku wehelinayay Guddoomiyahya Baarlamaanka Puntland Mudane Axmed Cali Xaashi, Wasiiro, Xildhibaano, masuuliyiin ka tirsan hay’adaha dowlad goboleedka Puntland iyo saraakiil ka mid ah Madaxtooyada Puntland.

Dr. Cabdiweli Maxamed Cali Gaas waxaa garoonka diyaaradaha ee Magaalada Boosaaso kusoo dhoweeyey mas’uuliyiinta maamulka Gobolka Bari iyo kan degmada Boosaaso iyo sidoo kale mas’uuliyiin kala duwan oo ka tirsan Puntland.

Madaxweynaha Puntland ayaa warbaahinta la hadlay wuxuuna ka waramay safarka uu kaga soo laabtay magaalada Muqdisho ” Waxaan kasoo qayb galnay munaasabaddii caleema saarka Madaxweyne Maxamed Cabdullaahi Farmaajo oo ay sidoo kale kasoo qayb galeen madax kala duwan, farxad ayayna noo tahay inaan qayb ka ahaano geeddi socodka Soomaaliya oo meel wanaagsan maraya,  waxaan hambalyo mar kale u dirayaa Ra’iisal wasaaraha cusub ee la magcaabay, waxaana rajaynayaa in ilaahay u sahlo shaqadana u fududeeyo, waan ku faraxsanay sidoo kale in waddankii oo nabad ah aan kusoo laabano”

IMG_1144 IMG_1146 IMG_1153 IMG_1156 IMG_1159 IMG_1161 IMG_1162 IMG_1170 IMG_1171 IMG_1173 IMG_1174 IMG_1191 IMG_1193 IMG_1202 IMG_1211 IMG_1217 IMG_1232 IMG_1272 IMG_1281 IMG_1292

Did you like this? Share it:

Leave a comment

Your email address will not be published.


*