Monday 21st August 2017
faceebok twitter
4478 Views

Madaxweyne Farmaajo oo Ankara kula kulmay dhigiisa Turkiga “SAWIRRO”

Madaxweynaha Jamhuuriyadda Soomaaliya iyo wefdi uu hoggaaminayo oo ku sugan magaalada Ankara ee caasimadda dalka Turkiga ayaa kulan la qaatay dhiggiisa dalkaasi.

Madaxweyne Maxamed Cabdullaahi Farmaajo,  waxaa soo dhoweeyey Madaxweynaha dalka Turkiga mudane Recep Tayyip Erdogan , labada Madaxweyne ayaa salaan ka qaatay ciidanka Qalabka Sida ee Turkiga oo soo dhoweynta Madaxweyne Farmaajo ee madaxyootada Turkiga ka dhacdey joogey.

Labada Madaxweyne ayaa qaatay kulan gaar ah oo ay uga wada hadleen xiriirka labada dal, Madaxweynaha Soomaaliya Mudane Maxamed Cabdullaahi Maxamed Farmaajo  ayaa xaaladda abaaraha iyo midda guud ee dalka uga warramay dhiggiisa Turkiga, waxa uu ka mahadceliyey dadaallada dowladda iyo shacabka Turkiga ay uga qeyb-galaan gurmadka dadka Soomaaliyeed ee ay abaaraha saameeyeen.

Sidoo kale Madaxweynaha Turkiga, mudane Recep Tayyip Erdogan ayaa sheegay in booqashada Madaxweyne Farmaajo uu ku faraxsan yahay, isla markaana labada dowladood ay  mar walba ka wada shaqeyn doonaan sidii horumar iyo degnaasho loo gaarsiin lahaa dadka iyo dalka Soomaaliyeed, dowladda Turkiga waxa uu sheegay in aysan marnaba ka daali doonin howlaha horumarinta iyo dhismaha ee ay ka waddo gudaha Soomaaliya.

Waxaa jiri doono heshiisyo iyo wada hadallo kale oo si rasmi ah u dhexmari doona Soomaaliya iyo Turkiga.

 

Did you like this? Share it:

Leave a comment

Your email address will not be published.


*