Madaxweyne Farmaajo oo Boosaaso kula kulmaya qeybaha bulshada

0
1237

Madaxweynaha Soomaaliya oo xalay ku hoyday magaalada Boosaaso,ayaa inta uu joogo waxaa lafilayaa in kulamo kaladuwan uu la yeesho bulshada,waxgaradka iyo mas’uuliyiinta,wuxuuna sidoo kale booqan doono goobo kale.

Mudane Maxmed C/llaahi Farmaajo ayaa la kulmaya ardayda Jaamacadaha,waxgaradka iyo guud ahaan shacabka Boosaaso ku dhaqan,isagoo ka dhageysandoona warbixino ku aadan dareenka ay ka qabaan hana qaadka dowladnimo iyo baahiyaha ay qabaan in laga caawiyo dhonaca adeegyada bulshada Gobolkaasi Bari kunool.

Dhanka kale Iyadoo madaxweynaha Jamhuuriyadda Soomaaliya Mudane Maxamed C/llaahi Farmaajo uu weli ku guda jiro booqasho uu ku tagayo deegaano kaladwuan oo ay kamid tahay Puntland,ayaa waxaa lafilayaa in dhawaan uu gaaro magaalada Gaalkacyo ee xarunta Gobolka Mudug.

Qaban qaabo ku aadan soo dhaweynta wafdiga madaxweynaha Soomaaliya ayaa laga dareemayaa magaalooyinka Gaalkacyo  iyo Cadaado,iyadoo waddooyinka lagu xardhayo sawirada Madaxweynaha Soomaaliya.

Booqashadiisa Boosaaso kadib ayaa lagu wadaa in wafdiga madaxweyne Farmaajo uu gaaro deegaanada Galmudug,halkaasi oo uu kula kulmi doono qeybaha bulshada.

Madaxweynaha Dowlada Goboleedka Galmudug Axmed Ducaale Geele Xaaf ayaa ka hadlay safarka madaxweyn aha Soomaaliya uu ku tagay deegaanada Galmudug,wuxuu sheegay in madaxweynaha in ay u diyaar garoobeen soo dhaweynta Wafdiga.

Wuxuu ugu baaqey shacabka Galmudug in ay u diyaar garoobaan soo dhaweynta wafdiga Madaxweynaha Jamhuuriyadda Federaalka Soomaaliya,isagoo intaasi ku daray in loo baahanyahay in shacabka reer Galmudug ay u diyaar garoobaan sidii ay ula jaanqaadi lahaayeen horumarada kaladuwan ee ka socoda qeybo kamid ah Gobolada Dalka Soomaaliya ee dhinaca dib u dhiska ah.

Amaanka magaalooyinka Gaalkacyo iyo Cadaado oo uu booqan doono madaxweynaha ayaa siweyn loo adkeeyey,iyadoo ciidamada ammaanku ay heegan ballaaran la geliyay.

Did you like this? Share it:

LEAVE A REPLY

Please enter your comment!
Please enter your name here