Wednesday 29th March 2017
faceebok twitter
21677 Views

Madaxweyne Farmaajo oo maanta la kulmay ganacsato Soomaaliyeed

Madaxweynaha Jamhuuriyadda Federaalka Soomaaliya mudane Maxamed C/laahi “Farmaajo” ayaa maanta kulan la qaatay ganacsato mas’uuliyiin ka socotay rugta ganacsiga iyo warshadaha.

Kulanka uu Madaxweynaha J. F. Soomaaliya la yeeshay Mas’uuliyiinta Rugta Ganacsiga iyo warsahadaha Soomaaliyeed oo ahaa mid ay albaabada u xiran yihiin ayaa markii uu soo gabagaboobay waxaa saxaafadda u sharraxay qodobbadii looga hadlay kulankaasi Agaasimaha Rugta Ganacsiga iyo Warshadaha Soomaaliyeed Cabdi Abshir Dhoorre

“Madaxweynaha Jamhuuriyadda Soomaaliya Maxamed Cabdullaahi “Farmaajo” wuxuu ganacsatada uu hoggaaminayo Guddoomiyaha Rugta Ganacsiga Soomaaliyeed Maxamuud Cabdi Gabeyre kala hadlay laba qodob oo aad u muhiimsan” ayuu yiri Mr. Dhoorre.

Agaasimaha Rugta Ganacsiga oo ahdalkiisa sii wata ayaa yiri “Soomaaliya waxaa ka jira Abaaro sameeyey dadka iyo duunyada, sidaa daraaddeed iney Ummadda Soomaaliyeed kuwooda wax haysta oo ay ganacsatada hoggaamineyso iyo Qurba joogta u gargaaraan dadka Soomaaliyeed oo ay Abaaruhu waxyeeleeyeen tan iyo inta ay dowladda ka cago dhiganeyso, Guddoomiyaha Rugta ganacsiga Soomaaliyeed Gabeyre isagana waa uu aqbalay”.

“Qodobka labaad ee uu Madaxweynaha kala hadlay mas’uuliyiinta Rugta Ganacsiga Soomaaliyeed ayaa ah in ay dowladda ka gaacansiin doonto ganacsatada dhammeystirka shuruucda qabyada ka ah ganacsatada taasoo laga talo gelin doono ganacsatada Soomaaliyeed iyo maalgashiga dalkooda” ayuu yiri Agaasimaha Rugta Ganacsiga Soomaaliyeed.

Dhinaca kale Madaxweynaha Jamhuuriyadda Federaalka  Soomaaliya Maxamed Cabdullaahi Farmaajo ayaa maanta Safiirka dalka Talyaaniga ka guddoomay Dhambaal Hambalyo ah uu kaga siday madaxweynaha dalkaasi.

1 unnamed

Leave a comment

Your email address will not be published.


*