Tuesday 25th July 2017
faceebok twitter
6738 Views

Malaysia oo gargaar daawo & cunto u soo diraysa Soomaaliya

Ra’iisul Wasaare ku-xigeenka Soomaaliya ayaa sheegay in kaalmo dhaqaale ay ka heleen dalalka Malaysia iyo Indonesia, kadib shir lagu qabtay dalka Malaysia.

Mudane Maxamed Cumar Carte Ra’iisul Wasaare ku-xigeenka Soomaaliya oo ku sugan dalka Malaysia ayaa laanta Afka Soomaaliga ee VOA u xaqiijiyay in kaalmo dhaqaale ay Soomaaliya ka heshay dalalka Indonesia iyo Malaysia, kuwaasi oo qeyb ka noqon doono gurmadka loogu jiro dadka ay abaaruhu ku saameeyeen qeybo ka mid ah gobollada dalka.

Wasiirka difaaca Malaysia ayaa sheegay in qayb yar oo kamid ah askartooda ay u soo diri doonaan Soomaaliya si ay uga qayb qaataan howlaha gurmadka ee shacabka Soomaaliyeed looga gargaarayo abaarta, maadaama ciidankan ay yihiin kuwa u badan dhaqaatiir.

Wasiir Hishammuddin  waxa uu tilmaamay in ciidanku haatan ku sugan yahay magaalada Riyaad ee boqortooyada dalka Sucuudiga, loona diri doono Soomaaliya.

Wasiirku ayaa yiri, “Cumar wuxuu Wasaaradda daryeelka Malaysia ka codsaday inay Soomaaliya ka saacidaan cunto, daawo iyo dhakhaatiir.”

Hishammuddin ayaa warfidiyeennada u sheegay in codsiga uga yimid Soomaaliya ay fiiro-gaar ah siiyeen ayna golaha Wasiirrada Malaysia ansixiyeen shalay oo Jimce ahayd.

Gurmadka Soomaaliya loo dirayo waxaa la socda 3 sargaal iyo 17 ciidamada qalabka sida oo qaabilsan daawaynta.

Waxaa hadalladiisa kaloo kamid ahaa, “Xubnaha u socdaalaya Soomaaliya waxay sidaan cunto iyo daawo, waxayna isticmaali doonaan diyaaradda nooceedu yahay Hercules C-130”.

Ciidamada loo dirayo Soomaaliya ee haatan ku sugan Sucuudiga waa koox la doortay waxayna ka howlgaleen hadda kahor dalka Yemen oo ay kasoo badbaadiyeen shacab u dhashay dalka Malaysia oo Yemen ku sugnaa.

Sidoo kale dowladda Malaysia waxay raadinaysaa sidii dowladaha Carabta sida Sucuudiga, Baxrayn, Qatar iyo waddamada Asia dhaca ay u saacidi lahaayeen Soomaaliya

Maxamed Jaamac Faarax
Oslo, Norway
Mjfaarax@gmail.com

 

Did you like this? Share it:

Leave a comment

Your email address will not be published.


*