Wednesday 20th September 2017
faceebok twitter
894 Views

Qaramada Midoobay oo ku baaqday in la baaro Qaxooti Reer Burundi ah oo lagu laayey Congo

Qaramada Midoobay ayaa ku baaqday in baaritaan lagu sameeyo bariga dalka Jamhuuriyada Dimuqraadiga ee Congo oo lagu dilay qaxooti Kasoo jeeda burundi.

Howlgalka Nabad ilaalinta Qaramada Midoobay ee MONUSCO wuxuu sheegay in Ciddamada Amaanka ee Dawladu ay toogteen 37 qof oo qaxooti ah ayna dhaaweceen 117 kale.

Florence Marchal waa ku simaha Afhayeenka Howlgalka Nabad ilaalinta Qaramada Midoobay ee dalka Kongo, iyada oo ku sugan Magalada Kinshasa ayaa waxay ugu baaqday Ciidamada Ammaanka in ay xaalada xakameyaan.

Hal askari ayaa lagu dilay dhacdadan kadib markii qaxootiga ay dibadbax ka sameyeen afar qof oo reer burundi ah oo Kongo laga tarxili rabay.

Jimmy Nemeyimana waa qaxooti ku nool xero ku taala magaalada Kamanyola oo ah halka colaadu ay ka dhacday. Waxaa u sheegay in sarkal maxali ah u halkaasi booqday maalmo yar uun ka hor, waxaa uuna sheegay in xukkumadu ay ka war hayso waxaa halkaasi ka socday.

Dhankakale,Sarkaal ka tirsan wasaaradda arrimaha gudaha ee dowladda Jamhuuriyada Dimuqraadiga ee Congo ayaa sheegay in ciidamada ay qarqiyeen qaxootiga oo dhagax kala daalay.

Boqolaal kun oo qaxooti reer Burundi ayaa dalkooda isaga qaxay kadib markii colaad ay dalkaasi ka bilaabatay kadib go’aankii madaxweyne Pierre Nkurunziza ku doonayay in xafiiska uu mar saddexaad u tartamo.

Xigasho BBC Somali

Did you like this? Share it:

Leave a comment

Your email address will not be published.


*