Tuesday 17th October 2017
faceebok twitter
3375 Views

Qaxootiga Soomaaliyeed ee Yemen oo xaalad nolol-xumo ka cabanaya

Qaxootiga Soomaaliyeed ee ku nool Xerada Al-kharaj ee dalkaasi Yemen ayaa sheegay iney ku jiraan xaalad nololeed oo aad u xun.

Qaxootigan oo u badan dumar iyo carruur badankooda ku dhashay xeradaasi ayaa waxay sheegeen iney haystaan dhibaatooyin la xiriira dhinacyada Caafimaadka, Raashinka, Hoyga iyo Waxbarashada, kuwaasoo dibadbax ka hor sameeyey xarunta hay’adda UNHCR ay ku leedahay magaalada Cadan ee dalkaasi Yemen.

Qaxootiga Soomaaliyeed ayaa sheegay in ay xaaladooda sii adkaatay kaddib markii ay dagaallada ka soo cusboonaadeen dalkaasi Yemen, kuwaasoo aanan wax gargaar ah helin.

Dowladda Federaalka iyo Hay’adaha Samafalka ayay ka codsadeen in xaaladooda wax laga qabto.

Qaxootiga Soomaaliyeed ee ku nool dalkaasi Yemen ayaa halkaasi ku noolaa 27-kii sano ee ugu dambeeyey.

Did you like this? Share it:

Leave a comment

Your email address will not be published.


*