Ra’iisul Wasaare ku-xigeenka oo la kulmay Madaxa UNHCR “SAWIRRO”

0
2494

Ra’iisul Wasaare ku-xigeenka Xukuumadda Federaalka ah ee Soomaaliya Mudane Maxamed Cumar Carte ayaa kulanka uu la qaatay madaxa Hay’adda Hay’adda Qaramada Midoobay u qaabilsan Qaxootiga Filippo Grandi, waxaa goob joog ka ahaa Wasiir ku-xigenka Arrimaha dibadda ee Soomaaliya iyo xubno kale, waxaana kulanka looga hadlay sidii qaxootiga ku nool gobolka Waqooyi bari ee dalka Kenya, gaar ahaan xerada Dhabaab waxloogu qaban lahaa, kahor inta aan dalkooda dib loogu soo celin.

Kulanka oo qaatay saacado ayaa la isku afgartay in qaxootiga loo sameeyo qorshe waxa ay u baahanyihiin loogu sameynayo, iyadoo aan si qasab ahna dalkooda loogu soo celin doonin, inta ka horeysa loo dhameystirayo adeegyada aas aasiga u ah nolosha beni’aadamka.

Mudane Maxamed Cumar Carte Ra’iisul Wasaare ku-xigeenka Xukuumadda Federaalka ah ee Soomaaliya oo wareysi gaar ah siiyay Warbaahinta Qaranka kulanka kadib ayaa sheegay in kulanka uu ku soo dhamaaday is afgarad, isla markaana uu dabo socdo heshiiskii Madaxweynaha Soomaaliya uu la saxiixday dhigiisa Kenya eek u aadanaa arrimaha qaxootiga..

“Madaxa UNHCR oo booqasho ku yimid dalka, isagoo u kuurgalaya oo donaya inan ka wada hadalno qaxootiga ee xeryaha dhadhabab, sida aad la socotaan heshiis labo geesood ayaa jirtay oo ya kala saxiixdeen Madaxweynaha Soomaaliya Mudane Xasan Sheekh Maxamuud iyo Madaxweynaha Kenya Uhura Kenyatta, kaasi oo ku saabsanaa in laga wada shaqeyn lahaa arrimaha qaxootiga iyo sidii ay u suurta geli lahayd, waxaana ka wada hadalnay in loo sameeyo waxyaabaha ay u baahanyihiin”ayuu yiri Ra’iisul Wasaare ku-xigeenka.

Ra’iisul Wasaare ku-xigeenka Soomaaliya ayaa hoosta ka xariiqay in heshiiskii saddex geesoodkla ah ee ay kal hore kala saxiixdeen dowlaha Soomaaliya, Kenya iyo Hay’adda UNHCR uu ku egyahay bisha November, isla markaana ay qorsheynayaan sidii muddo kordhin loogu sameyn laaha..

“In la ilaaliyo heshiiska caalamiga ah ee qaxootiga way jirtaa, waxaa kalo jirto heshiis saddex geesood ah oo kalhore ay kala saxiixdeen dowladaha Soomaaliya, Kenya iyo hay’adda UNHCR, kaasi oo ku eg bisha November oo ay ku cadyihiin arrimaha qaxootiga, waxaan rabnaa inaan markale cusbooneysiino oo aan muddo kordhin u sameyno, laakiin muddo kordhinta aysan noqon mid la iska fadhiisto oo waxaa la sameyaa in laga howlgalo si ay mira dhal u noqoto”ayuu hadalkiisa ku daray Ra’iisul Wasaare ku-xigeenka dalka.

DSC05159 DSC05160 DSC05161 DSC05162 DSC05163 DSC05164 DSC05167 DSC05168 DSC05170 DSC05171

 

Did you like this? Share it:

LEAVE A REPLY

Please enter your comment!
Please enter your name here