Wednesday 28th June 2017
faceebok twitter
1146 Views

Tartamayaasha Degmada Shibis oo caawa u soo gudbay afar dhamaadka

Tartan cilmiyeedka bisha Ramadaan oo galay sanadkii lixaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulankii afar iyo labaatanaad oo ah wareegga saddexaad ku tartamay tartameyaasha Degmooyinka Shibis VS C/casiis oo ka wada tirsan Gobolka Benaadir, waxaana barnaamijka sanadkii afaraad oo xiriir ah taabagelineya Maamulka Gobolka Benaadir.

Tartameyaasha labada degmo ee Shibis VS C/casiis ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon, waxaana sida sharciga qabo marka labada degmo la weydiiyo min afar su’aal la guda galay isbarashada degmooyinka iyo waxyaabaha ay degmo kasta caan ku tahay oo maqal iyo muuqaalba leh.

Shibis

Tartameyaasha Degmada Shibis ee gobolka Benaadir waxaa la weydiiyey todobo Su’aal, waxa ay ka jawaabeen labo su’aal, waxaana ay iska qaldeen shan su’aal, waxa ay ka faa’iideysteen hal su’aal oo so hareer martay tartamayaasha Degmada C/casiis, sidaa darteed wadarta guud ee dhibcaha tartameyaasha Degmada Shibis ay heleen waxay noqoneysaa lix (6) dhibcood.

C/casiis

Tartamayaasha Degmada C/casiis ee gobolka Benaadir waxaa dhankooda la weydiiyay todobo su’aal, waxa ay ka jawaabeen labo su’aal, iyagoo iska qalday shan su’aal, maan jirin wax ka faa’iideysi ah oo ay heleen tartamayaasha Degmada C/casiis, sidaasi darteed wadarta guud ee dhibcaha ay heleen tartameyaasha degmada C/casiis ay noqotay afar (4) dhibcood.

Tartamayaasha Degmada Shibis ee Gobolka Benaadir ayaa caawa u soo gudbay wareegga afaraad ee tartanka.

Habeen dambe haddii uu Alle idmo waxaa ku tartamaya wareegga afar dhamaadka tartamaayasha degmooyinka  Warta Nabadda iyo Kaaraan, ciddii badisa waxay u soo gudbi doontaa wareegga kama dambeysta ah ee tartanka.

 

 

 

Did you like this? Share it:

Leave a comment

Your email address will not be published.


*