Tuesday 25th April 2017
faceebok twitter
1920 Views

Tartamayaasha degmada Warta Nabadda oo caawa u sooo gudbay wareegga ugu dambeeya ee tartanka “SAWIRRO”

Tartan cilmiyeedka bisha Ramadaan oo ay si wada jir ah u baahinayaan Radio Muqdisho iyo Telefishinka Qaranka Soomaaliyeed ee SNTV, uuna taaba gelineyo sanadkii saddexaad oo xiriir ah Maamulka Gobolka Benaadir ayaa caawa wareegiiisa afarta degmo,  tartan aad u xiiso badan ku dhexmaray degmooyinka Boosaaso Vs Warta Nabadda oo ka kala tirsan Gobollada Bari iyo Banaadir, iyadoo labada dhinac ay muujiyeen dadaal iyo anshax wanaag inta uu tartanku socday.

Tartanka oo ahaa mid aad u xiiso badan ayaa tartamayaasha labada degmo waxa ay muujiyeen tartan wanaag oo ku dhisan aqlaaq iyo aqoon.

Natiijada tartankii dhexmaray xalay tartamayaasha degmooyinka Boosaaso iyo Warta Nabadda waxey noqotay sidan:-

Boosaaso

Tartamayaasha Degmada Boosaaso sida xeerka barnaamijka tartan Cilmiyeedka bisha barakeysan ee Ramadaan uu dhigayo waxaa la weeydiiyey Todobo Su’aal, waxaana su’aallihii la weydiiyey ay ka jawaabeen Hal su’aal oo waxa ay iska qaldeen Lix, mana jirin wax ka faa’ideysi ah oo ay heleen Boosaaso, wadarta guud ee dhibcaha tartamayaasha degmada Boosaaso ay heleen noqoneysaa 2 dhibcood (Labo dhibcood).

Warta Nabadda

Tartamayaasha Degmada Warta Nabadda waxaa iyana dhankooda la weydiiyey Todobo Su’aal, su’aallihii la weydiiyey waxay si sax ah uga jawaabeen Labo su’aal, halka ay iska qaldeen shan su’aal, mana jirin wax ka faa,iideysi ah, waxaana wadarta guud ee tartamayaasha degmada Warta Nabadda ka dhigeysaa inay heleen 4 dhibcood (afar dhibcood).

Tartamayasha degmada Warta Nabadda ee gobolka Banaadir ayaa caawa u soo gudubtay wareegga kama dambeysta ah ee tartanka (final), waxaana ay lugta kama dambeysta ah tartami doonaan degmada Yaaqshiid oo xalay xaqiijisay finalka tartanka, iyadoo tartamayaasha labada degmo ay isugu hambalyeeyeen guusha iyo dadaalka ay muujiyeen

Habeen dambe waxaa wada tartami doona Degmooyinka Kismaayo iyo Boosaaso oo ka kala tirsan Gobollada Jubbada Hoose iyo Bari, kuwaasi oo ku loolamaya kaalinta 3aad ee tartanka.

IMG_4967IMG_4991IMG_4996IMG_4931 IMG_4933 IMG_4934 IMG_4945 IMG_4949 IMG_4961 IMG_4962 IMG_4971 IMG_4980 IMG_4983 IMG_4987 IMG_4989 IMG_5001 IMG_5009 IMG_5012

Sawir Qaade:- Farxaan Suleymaan Daahir

 

 

Leave a comment

Your email address will not be published.


*