Monday 25th September 2017
faceebok twitter
2144 Views

Tartamayaasha degmada Yaaqshiid oo u soo gudbay wareegga xiga

Tartan cilmiyeedka bisha Ramadaan oo ay si wada jir ah u baahinayaan Radio Muqdisho iyo Telefishinka Qaranka Soomaaliyeed ee SNTV, uuna taaba gelineyo sanadkii saddexaad Maamulka Gobolka Benaadir ayaa caawa wareegiiisa saddexaad waxaa tartan aad u xiiso badan ku dhexmaray degmooyinka Yaaqshiid Vs Wadajir oo ka wada tirsan Gobolka Banaadir, iyadoo labada dhinac ay muujiyeen dadaal iyo anshax wanaag inta uu tartanku socday.

Tartanka oo ahaa mid aad u xiiso badan ayaa tartamayaasha labada degmo waxa ay muujiyeen tartan wanaag oo ku dhisan aqlaaq iyo aqoon.

Natiijada tartankii dhexmaray xalay tartamayaasha degmooyinka Yaaqshiid iyo Wadajir waxey noqotay sidan:-

Yaaqshiid

Tartamayaasha Degmada Yaaqshiid sida xeerka barnaamijka tartan Cilmiyeedka bisha barakeysan ee Ramadaan uu dhigayo waxaa la weeydiiyey Todobo Su’aal, waxaana su’aallihii la weydiiyey ay ka jawaabeen Saddex su’aal oo waxa ay iska qaldeen afar, waxa ay si ka faa’iideysi ah u heleen hal su’aal oo soo hareer martay tartamayaasha Wadajir, wadarta guud ee dhibcaha tartamayaasha degmada Yaaqshiid ay heleen noqoneysaa 8 dhibcood (Sideed dhibcood).

Wadajir

Tartamayaasha Degmada Wadajir waxaa iyana dhankooda la weydiiyey Todobo Su’aal, su’aallihii la weydiiyey waxay si sax ah uga jawaabeen Hal su’aal, halka ay iska qaldeen Lix su’aal, maan jirin wax ka faa’iideysi ah, waxaana wadarta guud ee tartamayaasha degmada Wadajir ka dhigeysaa inay heleen 2 dhibcood (Labo dhibcood).

Hadaba tartamayaasha degmada Yaaqshiid ayaa caawa u soo gudbay wareegga xiga ee tartanka.

Did you like this? Share it:

Leave a comment

Your email address will not be published.


*