Saturday 21st October 2017
faceebok twitter
4164 Views

U-dabaaldegga xuska maalinta cayaaraha oo Muqdisho laga dareemay “SAWIRRO”

 

Munaasabad lagu xusayay maalinta cayaaraha, horumarka iyo nabadda addduunka ayaa waxa ay ka dhacday garoonka kubadda cagta Banaadir ee magaalada Muqdisho.

Munaasabaddan ayaa waxaa soo qabanqaabiyay Guddiga Olombikada Soomaaliyeed, waxaana goobjoog ka ahaa marti-sharaf ay ka mid ahaayeen: Wasiirka dhallinyarada iyo cayaaraha, guddoomiyihii hore ee gobalka Banaadir, madaxda Guddiga Olombikada  Soomaaliya, madaxda xiriirrada  cayaaraha dalka, qaar ka mid ah guddoomiyayaasha degmooyinka gobolka Banaadir, kooxda  muusikada ee ciidamada Booliska iyo Asluubta , fannaaniin iyo ka-qeybgalayaal kale oo badan.

In ka badan  2,000 oo ciyaaryahan, oo ka kala socday xiriirada cayaaraha dalka,  degmooyinka, Jaamacadaha, iyo Iskuulada ayaa waxa socod ku mareen garoonka, iyaga oo jaanta la qaadaya muusig ay tumayaan kooxda Baambayda.

Ibrahim Xuseen Roombe, oo Guddiga Olombikada u qaabilsanaa qabanqaabada munaasabadda, ayaa hadal uu jeediyay waxa uu ku sheegay in qabanqaabada munaasabaddan ay  aad uga heersarreyso tii sanadki hore. Waxaana ii ujeedka munaasabadda ku sheegay isbarsahda iyo isdhexgalka dhallinyarada cayaaraha ku jira.

Guddoomiyihii hore ee gobalka Banaadir  Yuusuf Xuseen Jimcaale oo goobta ka hadlay ayaa caddeeyay in Intii uu isagu xilka gobalka hayay uu maamulkiisu  sare u qaaday  cayaaraha  gobolka,  isla  markaana  la doonayo in sare looga sii qaado halka uu hadda joogo.

Ugu  dambayn, Wasiirka cusub ee dhallinyrada iyo Cayaaraha Marwo- Khadiijo Maxamed Diiriye ayaa waxa ay jeedisay hadal ay kaga warbixisay qorshayaasha Wasaaraddeeda, iyada oo ballanqaadday in ay muhiimadda saari doonto horumarinta cayaaraha.

Wasiir Khadiija ayaa u mahadcelisay Guddiga Olombikada Soomaaliya iyo Xiriiradiisa oo ay sheegtay in aysan la’aanytood qabsoomi lahayn munaasabaddan.

Munsaabaddan, oo dhanka kale ay  wehlisay xuska maalinta  cayaartoyda Soomaaliyeed ayaa waxa uu sannadkan noqonayaa kii afaraad ee la xuso.

Waxaana ay noqotay mid ka mida dhacdooyinka ugu ballaaraan ee ay GOS kula dabaaldegto bulshadeeda.

????????????????????????????????????

????????????????????????????????????

????????????????????????????????????

????????????????????????????????????

????????????????????????????????????

????????????????????????????????????

????????????????????????????????????

????????????????????????????????????

????????????????????????????????????

????????????????????????????????????

????????????????????????????????????

????????????????????????????????????

????????????????????????????????????

????????????????????????????????????

????????????????????????????????????

????????????????????????????????????

  

Waaxda Wafaafinta GOS

 Info@nocsom.com

Did you like this? Share it:

Leave a comment

Your email address will not be published.


*