Wasaaradda Amniga oo faah faahin ka bixisay Qarax ka dhacay Wadajir

0
4938

Dowladda Federaalka Soomaaliya ayaa faah faahin ka bixisay Qaraxa ka dhacay degmada Wadajir ee gobalka Banaadir, oo kooxaha Argagixisada ah ay ku laayeen dadka Rayidka ah.

Afhayeenka Wasaaradda Amniga Axmed Maxamuud Maxamed (Sayid Carab) ayaa sheegay in 10-ruux ay ku geeriyoodeen Qaraxa sidoo kalena ay ku dhaawacmeen ilaa iyo Sagaal qof oo kale oo shacab u badan.

Axmed Maxamuud Maxamed ayaa sheegay in kooxaha Argagixisada ah ay mar waliba bartimaameedsanayaan Dadka rayid ah, wuxuuna sheegay taas inay muujinayso inaysan u socon Madaxda iyo Saraakiisha dowladda.

Qaraxaan ayaa loo adeegsaday aari laga soo buuxiyay Walxaha Qarxa kaas oo lagu qarxiyay Xarunta degmada.

Ciidamada Ammaanka ee dowladda Soomaaliya ayaa haatan wada howlgalo balaaran oo lagu adkaynayo ammaanka caasimadda, waxayna fashiliyeen isku dayo badan oo Al-Shabaab ay ku doonayeen inay ku dhibaateen shacabka.

Did you like this? Share it:

LEAVE A REPLY

Please enter your comment!
Please enter your name here