Tuesday 25th July 2017
faceebok twitter
5979 Views

Wasaaradda Haweenka oo Joodariyaal gaarsiisay bukaanada isbitaalka Banaadir “SAWIRRO”

Agaasimaha Guud Wasaaradda Haweenka iyo Hurumarinta Xuquuqda Aadanaha Cabdulqani Sheekh Cumar ayaa Joodariyaashan loogu talo galay bukaanada ku jira isbitaalka Banaadir wuxuu guddoonsiiyey maamulka iyo Dhakhaatiirta isbitaalka.

Ugu horreyn Agaasimaha ayaa booqday qeybaha kala duwan ee ay jiifaan bukaanada, halkaasoo ay uga warbixisay xaaladda bukaanada Drs. Luul Maxamed Maxamuud.

Cabdulqani Sheekh Cumar Agaasimaha Guud ee Wasaaradda Haweenka iyo Hurumarinta Xuquuqda Aadanaha ayaa sheegay in ay horey u sameeyeen qiimeyn la xiriirta baahida uu Isbitaalka u qabo in lasoo gaarsiiyo Joodariyaal, maadaama bukaano fara badan lasoo gaarsiiyey muddooyinkii ugu dambeeyey, kuwaasoo u badnaa dadkii uu soo ritay cudurka shubanka.

Drs. Luul Maxamed Maxamuud oo ka mid ah dhakhaatiirta ka howlgala isbitaalka Banaadir oo guddoontay Joodariyaashan ay ugu deeqday Wasaaradda Haweenka ayaa sheegtay iney kusoo beegantay xilli uu cusbitaalka baahi weyn u qabay.

Drs. Luul Maxamed Maxamuud ayaa dhanka kale sheegtay in ay jiraan baahiyo kale oo uu Cusbitaalka qabo, gaar ahaan dhanka Shidaalka iyo Cuntada, iyadoo ka codsatay mas’uuliyiinta dowladda federaalka iyo qeybaha Bulshada Soomaaliyeed iney gargaar la soo gaaraan cusbitaalka Banaadir.

Did you like this? Share it:

Leave a comment

Your email address will not be published.


*