Xildhibaan Ubax Tahliil oo si diiran loogu soo dhaweeyay Dhuusamareeb “SAWIRRO”

3621

Wafdi ay horkacayso Xildhibaan Ubax Tahaliil Warsame ayaa maanta gaaray magaalada Dhuusamareb ee Xarunta Maamulka Galmudug, waxaana ku wehlinaya socdaalkeeda ciidamada Baambeyda ee Booliiska Soomaaliyeed.

Wafdigaan ayaa waxaa si diiran loogu soo dhoweeyey Garoonka Ugaas Nuur ee magaalada Dhusamareb, iyadoo loo sii galbiyey caasimada, waxaana soo dhowayn u sameeyey bulshada oo uu hormuud u ahaa Guddoomiyaha Degmada Dhusamareeb Macalin Nuur Cilmi Cabdulle.

Guddoomiyaha Degmada Dhusamareb Macallin Nuur oo ugu horayn Warbaahinta la hadlay Warbaahinta ayaa sheegay inay soo dhowaynayaan cidwaliba oo ka qayb qaadanaysa horumarka Caasimadda dowlad Goboleedka Galmudug, uuna soo dhowaynayo Xildhibaanada.

Qaar ka mid ah bulshada ayaa oo goobta ka hadlay waxa ay sheegeen dhankoogada inay soo dhowaynayaan Xildhibaanada iyo wafdiga la socda.

Xildhibaan Ubax Tahaliil ayaa maamulka iyo qeybaha bulshada uga mahadcelisay sida loo soo dhaweeyay. waxaana ay hore dhac u tahay wafuudda tegaysa Dhusaamreb Maadaama Madaxwaynaha  Soomaaliya lagu wado in uu socdaal ku soo maro magaalada.

Maxamed-deeq Cabdi Maxamed

Did you like this? Share it:

LEAVE A REPLY

Please enter your comment!
Please enter your name here