Xildhibaannada Golaha shacabka oo ka hadlay dhibaatooyinka heysta dhallinyarada ku xiran Libiya

0
793

Guddoomiyaha Golaha Shacabka Mudane Maxamed Sheekh Cusmaan Jawaari oo kulanka shir gudoominayay ayaa ugu horeyn ka tacsiyadeeyay geerida Madaxweynihii hore ee Dalka Yeman Cali Cabdalla Saalax oo dhawaan dalkaasi lagu dilay.

Sidoo kale Guddoomiyaha Golaha Shacabka ayaa ka hadlay dhibaatooyinka dhallinyarada Soomaaliyeed ku heysato dalka Libya oo ah marinka dhallinyaro badan oo tahriibayaal ah kaddib soo jeedin ay guddoonka Golaha u soo gudbiyeen Xildhibaanno ka tirasan Golaha Shacabka, wuxuuna sheegay in Guddiga Arrimaha dibadda ee Golaha Shacabka looga fadhiyo in ay keenaan qorshe dhallinyarada Soomaaliyeed dhibaatada dalalka aan dalalkooda aheyn ku heysto looga soo badbaadinayo.

Intaasi ka dib waxaa loo gudbay Ajednaha kulanka oo ahaa qeybinta iyo akhrinta Qorshe-Hawleedka Guddiyada Golaha Shacabka, waxaana guddi walba uu Golaha ka hor jeediyay qorshe hawleedka Golaha loo qeybiyay iyo qeybta iyo guddigiisa ka quseysa.

Guddoomiyaha Golaha Shacabka ayaa sheegay in maadaamaa kalfadhigii koowaad Mudanayaasha golaha shacabka uu uga dhamaaday dhisida hay’adaha dowladda ay gudiyada joogtada ah kalfadhigan dadaal geliyeen sameynta qorshayaashii ay ku howlgeli lahaayeen.

Guddoomiyaha golaha shacabka Mudane Maxamed Sheekh Cusmaan Jawaari oo kulaka soo xiray ayaa sheegay in guddi walba looga baahanyahay in kala xiriiro hir gelinta qorshayaasha maanta la qeybiyay oo ay ka wada shaqeeyaan, wuxuuna sidoo kale Guddomiyaha uu sheegay in 16-ka bishan ay xirmi doonaan kulamada guud ee golaha Shacabka.

 

Did you like this? Share it:

LEAVE A REPLY

Please enter your comment!
Please enter your name here