Tuesday 24th October 2017
faceebok twitter
4432 Views

Xildhibaanno Ka Qeybgalay Dhiiri Gelinta Waxbarashada Carruurta Agoonta Ah “SAWIRRO”

Kulankan oo ahaa mid lagu dhiira galinayey carruurta agoonta ah ee Soomaaliyeed oo ay gacanta ku heyso jimciyadda waxbarashada horumarinta iyo gar gaarka bini’aadanimo ee SOHEDA sidoo kalena loogu dabaal dagayey afar sano guurradii kasoo wareegatay markii la aas aasay jimciyadaasi ayaa waxaa ka qeyb galay xildhibaanno ka tirsan Golaha shacabka Jamhuuriyadda federaalka ah ee Soomaaliya.

Ugu horeyn xildhibaan Yuusuf Xeyle Jimcaale oo ka mid ah masuu’liyiinta gacanta ku haya carruurta ayaa sheegay in ay ku dadaaleen sidii wax loo bari lahaa carruurta agoonta ah oo u baahan in la caawiyo.

Xildhibaan Axmed Macalin Fiqi oo ka mid ahaa xubnihii halkaasi ka hadlay ayaa sheegay in cid waliba ay mas’uuliyad ka saaran tahay sidii loo dhisi lahaa mustaqbalka carruurta agoonta ah isaga oo dhinaca kale u mahad celiyey jimciyadda SOHEDA oo gacanta ku heysa carruurtan.

Xildhibaan Qadiijo Maxamed Diiriye oo iyana kamid ah xildhibaanada sida gaarka ah ula socda nolosha carruurta agoonta ah ee ay gacanta ku heyso jimciyadda SOHEDA ayaa ka sheekeysay marxaladihii ay lasoo mareen carruurtan iyo cida gacanta ka siisa daryeelka iyo waxbarashadooda.

Did you like this? Share it:

Leave a comment

Your email address will not be published.


*