120 ka tirsan Maleeshiyada Al-Shabaab oo lagu dilay Halgan

0
5985

Maleeshiyada Al-Shabaab ayaa weerar khasaaro badan geystay waxay ku qaadeen xero ay leeyihiin ciidamada AMISOM gaar ahaan kuwa Itoobiya oo ku taala deegaanka Halgan ee gobalka Hiiraan.

Safaarada dowlada Itoobiya ee ku taala magaalada Muqdisho ayaa u sheegtay Wakaalada Wararka Qaranka Soomaaliyeed ee SONNA in weerarkaasi ay soo qaadeen Al-Shabaab lagu gaarsiyay khasaaro badan.

“Weerarkaan Al-Shabaab waxaa looga dilay 120 Maleeshiyaad ah, sidoo kale waxaa looga furtay  Hub Badan oo ay ka midyihiin K47 oo ka badan boqol qori, garneelada garbaha laga rido iyo gaadiid dagaal.” Sidaasi waxaa yiri Kamaaludiin Mustafa oo ka tirsan Safaarada dowlada Itoobiya ee Muqdisho.

Sidoo kale wuxuu sheega in Al-Shabaab ay Afar jiho ka soo weerareen Safaarada laakiin ciidamada AMSIOM oo u diyaarsanaa inay ka hortagaan weerarada nuucaan oo kale ah ay fashilyeen weerarkaas.

Al-Shabaab ayaa dhankooda war qirtay in weerarkaan looga dilay maleeshiyaad badan inkastoo faah faahin badan aysan ka bixin.

Maleeshiyaadka Al-Shabaab ayaa horay weeraro  nuucaan oo kale ah waxay ka gaysteen xarumo ay leeyihiin ciidamada AMISOM iyo kuwa dowlada Soomaaliya laakiin  weerarkaan ayaa noqday mid ay ku jabeen.

Did you like this? Share it:

LEAVE A REPLY

Please enter your comment!
Please enter your name here