25 Gaari oo sida Raashiin gargaar ah oo gaaray degmooyinka Buulo-Burde iyo Maxaas

0
1481

Raashiinkan oo loogu talagalay dadka ku nool degmooyinka Buulo-Burde iyo Maxaas oo ka tirsan gobolka Hiiraan oo kamid ah magaalooyinka ay Al-shabaab go’doomiyeen, waxaana raashiinka oo saarnaa 25 gaari oo waa weyn uu ku xanibnaa degmada Jalalaqsi oo isla gobolka Hiiraan.

Ciidanka Xoogga dalka Soomaaliyeed iyo kuwa Midowga Afrika ee AMISOM ayaa gawaarida siday Raahiinkaasi u gelbiyay degmooyinka dowladda Soomaaliya ugu talagasahay iyadoo maanta raashiinkaasi la garsiiyay degmooyinka Buulo-Burde iyo Maxaas waxaana raashiinka lagu wareejiyay maamulada degmooyinkaasi sida uu soo sheegay Sugaal Macalim Maxamuud oo ka tirsan Wariyeyaasha warbaahinta Qaranka oo hadda jooga Buulo-Burde.

Dadka ku dhaqan degmooyinkaasi ayaa baahi weyn u qaba in la soo gaarsiiyo raashiin maadaama wadooyinka soo gala halkaasi ay gooyeen kooxda nabad diidka ah ee Al-shabaab kadib markii ciidanka xoogga dalka iyo AMISOM ay ka saareen degmooyinkaasi.

Did you like this? Share it:

LEAVE A REPLY

Please enter your comment!
Please enter your name here