Tirada dadkii ku dhintay Wiishkii ku soo dumay Masaajidka Xaramka oo sii korortay

Ugu yaraan 62 Ruux ayaa ku dhintay, in ka badan 80 ruux oo kalena way ku dhaawacmeen Masaajidka Maka Al-Mukarama ee dalka Sucuudiga kaddib markii uu kusoo dul-dhacay Wiish kuwa dhismaha ah.

Hay’adda Difaaca Madaniyiinta ee Sucuudiga ayaa Sheegay in Dadku ay dhinteen kaddib Wiish kuwa dhismaha ah ku habsaday Qaybo ka mid ah Masaajidka Maka Al-Mukarama.

Sidoo kale, Mas’uuliyiinta Sucuudiga ayaa xusay inaan la ogeyn sababta uu kusoo dhacay Wiishkan, laakiin sawirro lasoo dhigay baraha bulshadu ku xiriirto ayaa muujinaya wiisha oo ku dul-dhacay Qaybta kore ee Masjidka Makka.

Dhacdadan ayaa timid iyadoo Toddobaadkii hore ay tageen Saudi Arabia boqollaal qof oo Xujey ah, kuwaasoo ka mid ah Malaayiin qof oo sannadkan gudanaya Waajibaadka Xajka oo ka mid ah Tiirarka Diinta Islaamka.

Wiish_ku_dul_dhacay_Masjidka_Makka_Al_Mukarama (1) Wiish_ku_dul_dhacay_Masjidka_Makka_Al_Mukarama (2)

LEAVE A REPLY

Please enter your comment!
Please enter your name here