33 maleeshiyaad ka tirsan Al-Shabaab oo lagu dilay nawaaxiga Xarardheere

0
1572

Faah faahin dheeraad ah ayaa ka soo baxaysa dagaalo shalay ka dhacay deegaanno hoostaga degmada Xarardheere ee gobolka Mudug, kaasi oo u dhexeeyay maleeshiyaad ka tirsan Al-Shabaab iyo dadka deegaanka.

Wararka ka imaanaya tuulada Ari-cadde ayaa sheegaya in 25 ka tirsan maleeshiyaadka Al-Shabaab lagu dilay deegaankaas, kaasi oo ka dambeeyay markii ay isku dayeen inay dadka ka qaadaan lacago baad ah oo ay ku sheegeen mid sako ah.

Warka ayaa intaa ku daraya in dadka deegaanka uu weerarkasi uga dhaawacmay hal qof, waxaana ay ku guuleysteen inay kala eryaan maleeshiyaadka Al-Shabaab ee duulaanka soo qaaday.

Sidoo kale deegaanka Ceel-huur ee hoostaga degmada Xarardheere, oo isna dagaal kan la mid ah ka dhacay oo u dhexeeyay Al-Shabaab iyo dadka deegaanka ayaa lagu dilay 8 ka tirsan Al-Shabaab, taasi oo wadarta guud ee Shabaabka la dilay ay noqoneyso 33 Al-Shabaab.

Wariyaha Warbaahinta Qaranka ee gobolka Galgaduud Maxamuud Cabdi Diirshe ayaa ku soo waramaya in dowlad goboleedka Galmudug ay iminka diyaarineyso ciidamo gurmad ah oo ka qeyb qaata dagaallada ka dhanka ah maleeshiyaadka Al-Shabaab ee ka soconaya deegaanno hoostaga degmada Xarardheere.

Did you like this? Share it:

LEAVE A REPLY

Please enter your comment!
Please enter your name here