48 Qof oo ku dhimatay shil Gaari oo ka dhacay Dalka Yugaandha

Ugu yaraan 48 Qof ayaa geeriyootay markii uu Baabuur Bas ah ku dhacay Cagaf-cagaf aan laydh lahayn iyo gaari xamuul ah , sida uu AFP u sheegay Afhayeenka Laan qayrta cas ee Dalka Yugaandha Irene Nakasiita.

Af-hayeenka Booliska Dalka Yugaandha, Emilian Kayima, ayaa Wakaaladda wararka AFP u sheegay inay Dadka dhintay ku jiraan 16 Carruur ah iyo Saddexdii darawal ee kala kaxaynayay Baska, Cagafta iyo Gaariga xamuulka ah.

“Kooxaha gurmadka ayaa si aan kala go’ lahayn u shaqeynaya si ay u badbaadiyaan dhaawaca”, ayuu yiri afhayeenka Booliska Yugaandha, Emilian Kayima.

Shilkan oo ka dhacay degaanka Kiryandongo, ayaa qiyaastii 220 KM oo u dhiganta 140 Mayl dhanka Waqooyi kaga beegan Caasimadda Kampala.

Waxanay Dowladda Yugaandha u aanaynaysaa Waddooyinka oo liita iyo wadayaasha Gaadiidka oo aan samayn taxaddar iyo masuuliyad.

Sanadihii 2015 illaa 2017-kii oo keliya ayaa la qiyaasayaa inay  shil Gaari ugu geeriyootay Yugaandha in ka badan  9,500 oo Qof, iyadoo waddankaasi Yugaandha uu safka hore kaga jiro Dalalka ugu Khatarsan xagga Waddooyinka iyo shilalka ka dhaca.

Did you like this? Share it:

LEAVE A REPLY

Please enter your comment!
Please enter your name here