Abaabul ay shacabka kaga hortagayaan dhibaatooyinka Al-shabaab oo ku sii xoogaysanaya Sh/dhexe

1567

Wararka ka imaanaya Gobolka Shabeellada dhexe gaar ahaan degaanno hoos taga Degmada Mahadaay ayaa sheegaya in shacabka ku nool degaanadaasi ay dhibaato xooggan ku qabaan maleeshiyada Al-shabaab,taasi oo keentay in uu billowdo iska hor imaad u dhexeeya labada dhinac.

Arrintani ayaa soo ifbaxday kadib markii argagixisada Al-shabaab oo uu hoggaaminayo C/qaadir Dhiiga oo loo yaqaano Jacfar ay ammaro adag dul-dhigeen shacabka degaanadaasi oo ah in ay bixiyaan lacago  baad ah iyo in ay Hub u iibiyaan maleeshiyada Al-shabaab,kaasi oo ay doonayaan in ay u adeegsadaan dhibaataynt a bulshada.

Qaar kamid ah Dadka degaanka ayaa Wakaaladda SONNA u xaqiijiyay in uu iska hor imaad dhexmaray Maleeshiyada Al-shabaab iyo dadka degaanka, kadib markii shacabku ay ka soo horjeesteen go’aannada qaldan ee kaga imaanaya kooxaha Jid iyo Jaha diidka ee Alshabaab.

Dadka deegaanka ayaa muujiyay isku duubni oo ay isaga difaacayaan dhibaatooyinka uga imaanaya argagixisada Alshabaab, iyadoo halkaasi lagu dilay horjoogayaal iyo maleeshiyaad ka tirsan kooxda Nabad-diidka Alshabaab.

“Shacabka ku nool nawaaxiga ku hareereysan Degmada Mahadaay ee ka kooban Xoolo Dhaqatada iyo Beeraleyda waxaan cabasho ka muujinaynaa  dhibaato ay nagu hayaan Alshaabab,dadkii shacabka ahaa iyo iyaga waa la iska hor yimid,xitaa waxaa jira in dhexdooda ay isku khilaafsan yihiin amarada qaldan oo ay shacabka duldhigeen,mana uu dulqaadan doono waan iska dhicinaynaa”. Sidaasina waxaa Waakalaadad SONNA u sheegay mid kamid ah dadka deegaanka.

Warar ay heshey Wakaaladad SONNA ayaa sheegaya in amarro iska soo hor jeeda ay ka soo baxeen horjoogayaal uu kamid yahay C/qaadir Dhiiga oo loo yaqaano (Jacfar ) ay sababeen iska hor imaad khasaare geystay uu dhexmaray labo maleeshiyo oo ka wada tirsan Alshabaab,waxaana la sheegay in ay dhexdooda iska gubeen gaadiid islamarkaana ay iska dileeen dhoor maleeshiyo.

Muddooyinkii ugu dambeeyey waxaa sii kordhayay khilaafka u dhexeeya Alshabaab iyo shacabka,kadib markii dadku ay u adkeysan waayeen amarada qaldan oo lagu banaysanayo dhiiga iyo hantida Shacabka.

Did you like this? Share it:

LEAVE A REPLY

Please enter your comment!
Please enter your name here