Adeeg caafimaad oo bilaash ah oo loo sameeyay dad danyar ah

0
954

Howlahani  baarista caafimaad iyo daweynta lacag la’aanta ah oo uu sameyey isbitalka Kalkaal ayaa waxaa ka faa’idaystay in kaban 50 ruux oo ka mid ah dadka danyart ah ee ku nool magaalada Muqdisho, kuwaasi oo qabay xanuuno kala duwan.

Xanuunada dadkaasi laga daweeyay ayaa waxaa ugu badan kiliye xanuunka waxaana fulinayay dhakhaatiir ajaanib ah kuwaasi oo adeegsanayay qalabka loo yaqaano Leyserka.

Qaar ka mid ah dadkii ka faa’idaystay ayaa uga mahadceliyaya maamulka isbitalka iyo dhakhaatiirta daweynaysay bukaanada danyerta ah, ayagoo sheegey in xaaladoodi ay aheyd mid liidata, balse ay hadada rajo wanaagsan oo dhanka caafimaadkoodi ah ay u muuqato.

Dr. Ofishuranisis, oo u dhashay dalka Hindiya ayaa ka hadlay  gargarakan caafimaad ay bukaanada u fidiyeen, wuxuuna xusay in xanuunada dadkaasi laga daweyeey ay ka mid ahaayeen kaliye xanuunka  oo khatar ku ah nolosha dadka.

Agaasimaha isbitaalka, Kalkaal Dr. Suleymaan Cabdullaahi Maxamed, ayaa sheegay in u jeedada howshan ay aheyd sidii loo caawin lahaa dadka xanuunsan isla markaana aan awoodin in ay kharashka isbitaalada iska bixiyaan.

 

 

Did you like this? Share it:

LEAVE A REPLY

Please enter your comment!
Please enter your name here