Adeegyo caafimaad oo loo sameeyay ardayda qaba baahiyaha gaarka ah “SAWIRRO”

Agaasinka Waxbarashada Gobalka Banaadir, qaybta Caafimaadka dugsiyada oo kaashaneysa Ururka Dhakhaatiirta Indhaha Soomaaliyeed (SOMALI OPTOMETRIC ASSOCIATION) ayaa baaritaan indhaha ah oo bilaash ah u wada sameeyay ardayda wax ka barata dugsiga Al-Basiir oo kamid ah dugsiyada ay ka bartaan ardayda baahiyaha gaarka ah qaba,  gaar ahaan ardayda aragga naafada ka ah.

Dardargalinta adeegyada Caafimaadka goobaha Waxbarashada iyo ardayda, gaar ahaan kuwa baahiyaha gaarka ah qaba wuxuu ka mid yahay qorshayaasha lagu horumarinayo, laguna tayaynayo Waxbarashada Gobolka Banaadir.