Afhayeenka AMISOM oo sheegay in xaalad bani’aadanimo ay ka jirto Shabeellada Hoose

Afhayeenka Ciidamada AMISOM, Mr. Joe Kibet oo wareysi gaar ah siiyay Wakaaladda SONNA ayaa sheegay in xaalad bani’aadanimo oo aad u liidato ay ka jirto deegaanka Numbar Konton ee gobolka Shabeellaha Hoose, halkaas oo ay soo gareen kumanaan qoys oo ka soo carary dhibaatooyinka maleyshiyada Al-shabaab ay kawadaan deegaanada Shalaanbood iyo Ceel Jaale ee gobolkaas.

“Ku dhawaad 3,000 oo qoys oo barakacayaal ayaa soo gaaray xero ku taal deegaanka Nambar Konton ee Gobolka Shabeellaha Hoose, dadkaasi maheystaan cunno, biyo iyo meel ay ka galaan kuleelka qoraxda iyo qabowga habeenkii” ayuu yiri, Afhayeenka Ciidamada AMISOM, Mr. Joe Kibet.

Afhayeenka ayaa ugu danbeyntii hey’adaha deeqaha bixiya iyo dowladda Soomaaliya ugu baaqeynaa in gurmad bani’aadanimo oo deg deg ah lala soo gaaro dadka barakacayaasha ah ee ku dhibaateysa Shabeellaha Hoose.

Hadalkan ka soo baxay afhayeenka ciidamada AMISOM ayaa ku soo beegmayo xilli abaaro ba’an ay ka jiraan qaar ka mid ah gobollada dalka.

LEAVE A REPLY

Please enter your comment!
Please enter your name here