Agaasimaha cusub ee Telefishinka Qaranka oo xilka kala wareegay agaasimihii hore”SAWIRRO”

Munaasabaddan oo ay ka soo qeyb galeen Wasiirka warfaafinta XFS, agaasimaha guud ee wasaaradda warfaafinta,agaasimaha guud ee wasaaradda haweenka,agaasimaha hab-maamuuska Madaxtooyadda Qaranka,agaasimaha shaqaalaha iyo tababarada warfaafinta,agaasimaha warfaafinta gobolka Banaadir,ururada saxaafadda iyo mas’uuliyiin kale ayaa waxaa xilka kula kala wareegayay agaasimaha cusub ee Telefishinka Qaranka iyo agaasimihii hore.

Munaasabadda oo ka dhacday xarunta wasaaradda warfaafinta ayaa ugu horreyn waxaa ka hadlay  Agaasimaha guud ee wasaaradda warfaafinta Dhaqanka iyo dalxiiska xukuumadda Soomaaliya  mudane C/naasir Xuseen wuxuuna sheegay in agaasimaha cusub iyo agaasimihii hore ay yihiin dad uu ku tuhmayo karti iyo aqoon.

Agaasimihii hore ee Telefishinka, Faarax Salaad Dharaar ayaa sheegay in wax badan ay u qabsoomeen muddadii uu joogay xafiiska, isagoo agaasimaha cusub u rajeeyay in uu alle ku guuleeyo mas’uuliyadda.

Agaasimaha cusub ee Telefishinka Qaranka mudane, Sharmaake Maxamed Warsame ayaa agaasimihii hore uga mahadceliyay dadaalladiisi uu Qaranka ugu soo shaqeeyay, wuxuuna tilmaamay inuu halkaas kasii wadi doono shaqada loo igmaday.

Wasiirka wasaaradda warfaafinta xukuumadda federaalka Soomaaliya Mudane, Cismaan Abuukar Dubbe ayaa agaasimihii hore ee Telefishinka ku boggaadiyay shaqadi uu qabtay muddadii uu joogay,isagoo agaasimaha cusub iyo ku xigeenkiisa u rajeeyay in Alle ku guuleeyo howsha loo igmaday  ee ah in ay Qaranka u adeegaan.

LEAVE A REPLY

Please enter your comment!
Please enter your name here