Agaasimaha Guud Ee Wasaaradda Ganacsiga Oo Soo Xiray Kulan Wada Tashi Ah “SAWIRRO”

Agaasimaha guud ee Wasaaradda Ganacsiga iyo Warshadaha Xukuumadda Federaalka Soomaaliya Mudane Cabdicasiis Ibraahim Aadan, ayaa galabta soo xiray kulan wada-tashi ah oo Wasaaraddu la sameynaysay hay’adaha dawladda ee heer Federaal, Maamul Goballeedyada, Ganacsatada, Maal-gashadaayasha iyo Taageerayaasha caalamiga ah oo laga la tashanaayey xeernidaamiyahii lagu dhaqan-gelinayey sharciga Shirkadaha oo hore loo ansaxiyey bishii Diisember 2019kii.

Agaasimaha oo halkaas hadal ka jeediyey, ayaa u mahadceliyey dhamaan ka soo qeyb-galayaashii barnamaijka, waxaana uu sheegay in kulanku uu ahaa mid u qabsoomay sidii looggu talogalay isla mar ahaantaana ka soo-qeyb-galayaasha barnaamijku ay si wacan uga dhiibteen talooyinkooda ku aadan xeernidaamiyaha.

Kulankan wada-tashiga ah, ayaa ujeedkiisu ahaa sidii ka qeyb-galayaasha kulanku ay uga talo-bixin lahaayeen Xeerkan, iyaga oo u eegaya shuruucda iyo xeerarka shirkadaha ee Aduunka si sharcigani u noqdo mid casri ah oo la jaan qaadaya kuwa ka dhisan dunida iyo waliba dhiiri-gelinta iyo soo-jiidashada ganacsi iyo maalgashi si shirkaduhu u helaan kalsooni ay wadanka ugu aamini karaan hantidooda.

Xeernidaamiyahan oo Wasaaradda iyo Xafiiska sharciyaqaanada ee Muqdisho ka soo shaqeeyeen sidoo kalena taageero ka helayey Baanka Aduunka iyo hay’adda IFC, ayaa marka uu ka gudbo la-tashiyada, waxa uu ku soo bixi doonaa Wareegto heer Wasiir ah, waxaana loo adeegsan doonaa dhaqan-gelinta sharciga shirkadaha oo ahmiyad weyn u leh ganacsiga iyo maal-gashiga dalka.

LEAVE A REPLY

Please enter your comment!
Please enter your name here