Agaasimaha Guud ee Wasaaradda Warfaafinta oo furay tababar loo qabtay Saxafiyiinta Muqdisho “SAWIRRO”

Tababarkan oo ay soo qaban qaabisay dallada Cafis iyo Vikes ayna kala qayb qaadanaysay Wasaaradda Warfaafinta Dhaqanka iyo Dalxiiska Soomaliya ayaa waxa xoogga lagu saarayey dib-u-heshiisiinta, is cafinta iyo doorka saxaafaddu ku leedahay dib u dhiska dalka.

Agaasimaha guud ee Wasaaradda Warfaafinta Mudane Cabdinaasir Xuseen Xasan oo furay tababarka ayaa sheegay in wariyaha wanaagsani uu yahay haggaha caqliga bulshada, isla markaana wuxuu bulshada ka wacyigeliyo xumaha, isla markaana ku dadaalaa in bulshadiisa la wadaago wixii wanaag ah.

Cabdiraxmaan Axmed Agaasimaha Wakaaladda Wararka SONNA ayaa isna dhankiisa suxuyiinta warbaahinta kula dardaarmay inay noqdaan safiiro dib ugu celiyo bulshada waxyaabihii ay ka kororsadeen tababarkan.

Ugu dambayn Guddoomiyaha Cafis Wali Xaashi, ayaa ka qayb galayaasha tababarkan u rajeeyey inay ka faa’iidaysan doonan mudadda uu socdo tababarka.

Tababarkan ayaa waxaa ka qayb qaadanayey suxufiyiin ka kala socday Warbaahinta Qaranka, warbaahinta sida gaarka loo leeyahay, ururada bulshada iyo dadka baahiyaha gaarkaa qaba.

LEAVE A REPLY

Please enter your comment!
Please enter your name here