Agaasimaha guud ee Wasaaradda Warfaafinta  iyo wafdi uu hogaaminayo oo lagu soo dhaweeyay magaalada Baladweyne

0
2416

Agaasimha guud ee wasaaradda Warfaafinta Dhaqanka iyo Dalxiiska Soomaaliya Mudane Cabdirisaaq Cali Yuusuf Bahlaawi oo ay wehliyaan agaasimayaasha Radio Muqdisho Codka Jamhuuriyadda Soomaaliya Axmed Faarah Maxamed Gaatamoow iyo Agaasimaha Wakaaladda Wararka Soomaaliyeed ee SONNA C/raxmaan Yuusuf Sheekh Al- Cadaala  ayaa gaarey magaalada Baladweyne ee Xarunta Gobalka Hiiraan.

Booqashada Masuuliyiintan Warfaafinta ayaa ku saabsan sidii loo dardar galin lahaa howlaha War-baahineed ee Radio Muqdisho qeybtiisa Gobalka Hiiraan ka hayo, maadaama dhawaan isbadal dhanka maamulka ah lagu sameeyay Agaasimihii Radio Beledweyne, loona dhiibay agaasime cusub, hir gelinta xafiiska Wakaalada Wararka Soomaaliyeed ee SONNA, waxaana  halkaasi si diiran ugu soo dhaweeyay Mas’uuliyiin ka tirsan Maamulka Gobalka Hiiraan.

Mas’uuliyiinta Wasaaradda Warfaafinta waxa ay kormeer ku sameeyeen xarunta Radio Muqdisho qeybtiisa Beledweyne, halkaasi oo ay ugu kuur galayeen sida ay u shaqeyso Idaacadda Radio beledweyne ee qeybta ka ah Radio Muqdisho, waxaana ay xog ka dhageysteen howlwadeenada Idaacadda, waxaana Agaasimaha Radio Muqdisho Axmed Faarax Gaatamow uu kula dar daarmay maamulka cusub in uu la yimaado isbadal horumar leh.

Agaasimaha guud ee Wasaarada Warfaafinta, Dhaqanka iyo Dalxiiska XFS mudane Cabdirisaaq Cali yuusuf Bahlaawi ayaa horay sidan oo kale Xafiisya uga soo furay  xarumaha  Wakaalada Wararka Qaranka Soomaaliyeed (SONNA) ay ku leedahay Magaalooyinka Kismaayo iyo Baydhabo.

Did you like this? Share it:

LEAVE A REPLY

Please enter your comment!
Please enter your name here