Agaasimaha guud ee Wasaaradda Warfaafinta oo tababbar u furay qaar ka mid ah shaqaalaha Wasaaradda

Ku dhawaad 20- ka tirsan howl-wadeenada warbaahinta Qaranka ayaa ka qeybgalay tababbar ku saabsan soo saarista Barnaamijyada iyo ka shaqeynta Warbaahin danabeedka.

Tababbarkan oo socon doono muddo Todobaad ah ayaa waxaa ugu horreyn ka hadlay Agaasimaha Telefishinka Qaranka, Faarax Salaad Dharaar, isagoo soo dhaweeyay Macallimiinta bixineysa tababbarka oo ka socod hay’adda Vikes ee dalka Findland.

Agaasimaha Guud ee Wasaaradda Warfaafinta Soomaaliya,mudane Cabdiraxmaan Yuusuf Sheekh Al-caddaala oo furay tababbarka ayaa hay’adda Vikes iyo Dowladdooda Finland ugu mahad celiyay sida naf-hurnimada leh ee ay ugu heellan yihiin tayada warbaahinta Soomaaliyeed iyo sida ay wax ugu beddeleen howlahooda. wuxuuna  ku dhiirrigeliyay shaqaalaha qaadanaya tababbarka in ay ka faa’iideystaan fursadda Waxbarasho ee ay heystaan, taasi oo wax badan ka baddeli doonta wax soo saarkooda.

Mr Beek oo ka mid ah Macallimiinta ka socota hay’adda Vikes ee dalka Findland ayaa ballanqaaday in ay aqoontooda uga faa’iideyn doonaan shaqaalaha wasaaradda, isagoo sheegay in ay bari doonaan soo saarista Barnaamijyada qaar iyo warbaahin danabeedka oo uu si toos ah u quseeyo tababbarka.

Agaasimaha Shaqaalaha iyo tababbarrada Wasaaradda Warfaafinta Soomaaliya, Cabdiraxiin Ciise Caddow ayaa shaqaalaha ka qeyb galaya Tababbarka kula dardaarmay in ay ka faa’iideystaan casharrada ay qaadanayaan

LEAVE A REPLY

Please enter your comment!
Please enter your name here