Agaasimaha Guud HSJ oo kormeer ku tagay dhismaha Xarunta dhexe ee Hey’adda Socdaalka iyo Jinsiyadda “SAWIRRO”

Agaasimaha Guud ee Hey’adda Socdaalka iyo Jinsiyadda  Col, Maxamed Aadan Jimcaale (Koofi) ayaa kormeer ku tagay dhismaha Xarunta dhexe ee Hey’adda Socdaalka iyo Jinsiyadda oo dhismaheedu meel gabbagaba ah marayo.

Kormeerka Agaasimaha ayaa waxuu ku mariyay qeybaha uu ka koobanyahay dhismaha xarunta dhexe,iyadoo Injineerada dhismaha hirgelinayay ay Agaasimaha Guud ku soo wareejiyeen Xafiisyada uu ka koobanyahay dhismahaan.

Kormeerka Agaasimaha ee dhismaha xarunta dhexe ayaa waxaa ku wehlinaayay Lataliyaha sare ee Hey’adda Mudane Mahad Cabdi iyo Agaasimaha waaxda Howlaha ee HSJ Mudane Cusmaan Shiikh Xuseen.

Agaasimaha Guud ayaa Injineerada uga mahadceliyay fulinta dhismahaan qururxda badan sidoo kalana kula dardaarmay in dhismaha inta ka dhiman ay soo gabagabeeyaan.

Ugu dambeyn dhismaha Xarunta dhexe ee Hey’adda Socdaalka iyo Jinsiyadda oo si Casri ah loo dhisay ayaa ka jawaabaya dadka baahiyaha gaarka ah qabo oo loo sameeyay Irdo ay ka soo galaan oo ayaga u gaar ah si aysan ugu dhibtoon soo gelidda irdaha Xarunta dhexe ee Haya’adda Socdaalka Jinsiyadah.