Agaasimaha Radio Muqdisho oo kulamo la yeeshay Madaxda Ururada Idaacadaha Carabta iyo Yurub

Agaasimaha Waaxda Radio Muqdisho Mudane Cabdiraxiin Ciise Cadow oo isaga iyo wafdi wasaaradda Warfaafinta  ka socda  ay ka qayb galayaan Kalfadhiga 35-aad ee Golaha guud ee Ururka Idaacadaha Dowladaha Carabta ee sanadkan ka dhacaya Dalka Tuunis ayaa sidoo kale kulamo la qaatay Madax kala duwan oo shirka kasoo qayb gashay.

Agaasimaha Cabdiraxiin ayaa kulan la qaatay Xog-hayaha Guud ee Ururka Idaacadaha Dowladaha Carabta Eng: Cabdiraxiin Sulaymaan iyaga oo ka wada hadlay sidii Soomaaliya warfaafinteeda gacan buuxda sanadkan loo siin lahaa waxa uuna Agaasime Cadow u sharaxay baahida jirta oo ay isugu jirta baahi qalab mid tababar iyo mid farsamo.

Xoghayaha Guud ee Ururka Idaacadaha Carabta oo isagana dhankiisa ka hadlay ayaa sheegay in diyaar u yihiin sidii Soomaaliya wax loogu qaban lahaa oo ay ugu horayso in qalabka wararka lagu kala badasho ay dhawaan gayn doonaan Soomaaliya kaas oo sahlaya sidii wararka carabta iyo Caalamka kale ay si dhaqso oo aan qarash ku bixin ay ku helayaan TV-ga Soomaaliya ee SNTV iyo Radio Muqdisho.

Xoghaya ayaa intaa ku daray in dhawaan ay Soomaaliya u dirayaan sidii howshaas loo qaban lahaa ayna diyaariyeen sidoo kale in tababar loo fidiyo Saxafiyiinta Soomaaliyeed ee hada ka howl gasha Warbaahinta Dowladda.

Dhanka kale Agaasime Cabdiraxiin ayaa la kulmay Xoghaya Guud ee Ururka COPEAM Mudane Pier Luigi MALESANI iyagoo ka wada hadlay sidii Raadiyaha iyo TV-ga wax loogu qaban karo una sheegay Xog-hayaha guud in baahi badan oo dhanka warfaafinta Dowladda ah ay jirto loona baahan yahay in caalamka lala gaashado.

dhankiisa Pier Luigi MALESANI ayaa sheegay in ay diyaar wax walba u yihiin oo ay doonayaan in Soomaaliya dhanka warfaafinta laga gacan siiyo waxa uuna sheegay in Dowladda Talyaaniga oo isaga u dhashay ay diyaar la tahay wax walba oo ay dhanka warfaafinta Dowladda ah.

Wafdiga Wasaaradda Warfaafinta ee Sanadkan ka qayb galaya kulamada Ururka Idaacadaha Dowladaha Carabta ee Tuunis ka socda  oo agaasime Cabdiraxiin horkacayo oo uuna ka mid yahay Fiidow Maxamuud oo Safaaradda Soomaaliya ee Suudaan u qaabilsan dhanka warfafainta ayaa ka qayb galay shir sadax geesood ah oo ay isugu yimaadeen Ururada Idaacadaha Carabta, Aasiya iyo Yurub.

Shirkaas ayaa lagu sheegay in diyaar loo yahay in la taageero Warfaafinta Dowladda Federaalka ee Soomaaliya si horumar iyo wax isa soo dhaafsi lala wadaago, waxaana halkaas laga sheegay in Tababaro deg deg ah loo fidin doono Saxafiyiinta Soomaaliyeed ee xiligan shaqeeya.

LEAVE A REPLY

Please enter your comment!
Please enter your name here